6,5 myń zeınetker azyq-túlikti qaryzǵa alyp otyrǵan – «Qaryzsyz qoǵam» jobasynyń jetekshisi

<p>ASTANA. KAZINFORM &ndash;&nbsp; Boryshqa belshesinen basqan qazaqstandyqtardyń arasynda zeınetkerler de barshylyq. &laquo;Qaryzsyz qoǵam&raquo; jobasynyń jetekshisi Aqmaral Bekmurzaeva &laquo;AMANAT&raquo; partııasynyń&nbsp; baspasóz ortalyǵynda osyndaı derek keltirdi.&nbsp;</p>

«Byltyr 65 myń adam oqytsaq, sonyń 10 paıyzy zeınetkerler boldy. Olardyń báriniń moınynda nesıe bolǵan, azyq-túlikti qaryzǵa alyp kelgen. Zeınetkerler bizge bilim alý úshin emes, nesıesi problemasyn sheshý úshin keledi. Nesıeniń kesirinen azyq-túlik alatyn, kommýnaldyq qyzmet aqysyn tóleıtin aqshasy joq ekenin aıtady. Aqtóbe oblysynda bir ájeı boldy. Qaryzy 800 myń teńgege jetken. Onyń jaǵdaıy tipten qıyn boldy. Balalary jumys istemeıdi eken. Taǵy bir ata men ájeı boldy, kenje qyzdary syrttarynan nesıe rásimdep jibergen. Ony ózderi bilmegen. Olar da amaly qalmaǵan kezde bizge keldi. Shottaryna túgel qulyp qoıylǵandyqtan, basqa amaldary qalmaǵan», - dedi ol Qogamfin.kz platformasy nyń tanystyrylymynan keıin BAQ ókilderine bergen suhbatynda.

Joba jetekshisi mundaı zeınetkerlerge qandaı kómek usynatyndaryn aıtty.

«Biz olarǵa jeke tulǵanyń bankrottyǵyn rásimdeımiz. Bul olarǵa kerek. Mysaly, eńbekke jaramdy jastaǵy adamdar kelse, biz olarǵa jeke tulǵa bankrottyǵyn rásimdeýge keńes bermeımiz. Óıtkeni ekonomıkalyq aınalymnan shyǵyp qalady. Al zeınetkerler bankrottyqty jeńildikpen rásimdeı alady. Qazir alaıaqtar, qarjy pıramıdalary óte kóp. Olardyń quryǵyna birinshi kezekte zeınetkerler túsip jatyr. Óıtkeni óte sengish keledi. Kýrsqa kelgenderge sol alaıaqtardan saqtanýdyń joldaryn úıretemiz», - deıdi Aqmaral Bekmurzaeva.