646 sheteldik májbúrlep el aýmaǵynan shyǵarý úshin qamaýǵa alyndy
11:56, 04 Shilde 2022
NUR-SULTAN. QazAqparat – Sot sheshimimen elden 322 sheteldik shyǵaryldy. Bul týraly QR Іshki ister mınıstrligi baspasóz qyzmetiniń ókili Shuǵyla Turlybek málim etti, dep habarlaıdy QazAqparat tilshisi.
«Elimizde 27 maýsym men 4 shilde aralyǵynda «Nelegal» jedel-aldyn alý is-sharasy ótip jatyr. Tártip saqshylary sheteldikterdiń turatyn jerin, qurylys nysandaryn, bazarlardy, uıymdardy, sondaı-aq shetel azamattaryna jumys berýshilerdi tekseredi», - dedi mınıstrlik ókili.
Shuǵyla Turlybektiń dereginshe, 27-28 maýsym aralyǵynda jalpy 3762 quqyq buzýshylyq anyqtalǵan.
«Onyń ishinde: 1 239-y – sheteldikterdiń eńbek qyzmetin zańsyz júzege asyrǵany, 207-i jumys berýshilerdiń shetel azamattarynyń eńbegin ruqsatsyz paıdalanǵany, 1 509 – sheteldikterdiń kelýi týraly ishki ister organdaryna ýaqtyly habar bermegeni úshin. Sot sheshimimen elden 322 sheteldik shyǵaryldy. 646 adam májbúrlep shyǵarý úshin arnaýly qabyldaý oryndaryna qamaldy», - dedi ol.