63 jastaǵy shymkenttik zeınetkerge 63 ret alaıaqtyq jasady degen aıyp taǵyldy
Shymkentte «Memlekettik baǵdarlama boıynsha az ýaqyttyń ishinde, kezeksiz páter alyp beremin» dep halyqty aldap kelgen kúdikti 63 jastaǵy zeınetker bolyp shyqty. Tergeý barysynda qolǵa túsken kúdiktiniń osy tektes 63 jaıtqa qatysy bar ekendigi anyqtalǵan. Sondaı-aq, ol buryn alaıaqtyq jasaǵany úshin jaýapkershilikke tartylyp, sotty bolǵan.
«Ál-Farabı aýdandyq polıtsııa basqarmasyna aryzdanǵan jergilikti turǵyn alaıaqtyqtyń qurbany bolǵanyn jetkizdi. Tanysy «Shymkent qalasynan kezeksiz páter alyp beremin» dep, 2 000 000 teńgesin alaıaqtyq jolmen ıemdenip alǵanyn aıtty. Atalǵan derek QR QK-niń 190-baby 3-bóligimen sotqa deıingi tergep-tekserýdiń biryńǵaı tizilimine tirkeldi», - delingen Shymkent qalasy polıtsııa departamentiniń baspasóz qyzmeti taratqan habarlamada.