63-ti eńsergen ardager bılıardshylar ózara myqtyny anyqtaýda

ShYMKENT. QazAqparat – Shymkenttik qarııalar Táýelsizdik kúni qarsańynda bılıard saıysyna jınaldy. Qalalyq birinshiliktiń ashylý rásimine qalalyq máslıhattyń hatshysy Ǵanı Tashqaraev pen qalalyq sport jáne dene shynyqtyrý basqarmasynyń basshysy Álibek Nurtaı, qalalyq ardagerler keńesiniń tóraǵasy Isamýddın Rysbaı, qarymdy jýrnalıst Baıdýlla Qonysbek jáne bir top ardager qatysty, dep habarlaıdy QazAqparat tilshisi.

30-ǵa jýyq ardager qatysqan saıystyń talaby boıynsha zeınetkerler 63-75 jáne 75 jastan joǵary top boıynsha bólinip, ózara myqtyny anyqtady. Barlyǵy da buǵan deıin kóptegen ıntellektýaldy oıyndardyń kórigin qyzdyryp, tastaıaqty urshyqsha ıirgender. Respýblıkalyq deńgeıdegi tóreshiler saıysqa kil myqtylar qatysyp jatqanyn aıtty. «Bizdiń qarttardy Halyqaralyq qarttar kúnimen quttyqtaýǵa ruqsat etińizder. Bılıard oıyny keıingi kezde óte damyp, qarttar arasynda da óz ornyn taýyp otyrǵan jaǵdaıy bar. Jarys jeńimpazdary baǵaly syılyqtarmen marapattalatyn bolady», - dedi uıymdastyrýshylar. Aıta keteıik, qalyptasqan dástúr boıynsha álemniń barlyq elderinde qarııalarǵa qashanda qurmet kórsetilip, olardyń ǵıbratty danalyqtary men ataly da bataly sózderi erekshe qurmetke ıe bolǵan. Aǵa býyn ókilderine aıryqsha qurmet kórsetý QR Prezıdenti Qasym-Jomart Toqaevtyń basshylyǵymen júrgizilip otyrǵan memlekettik saıasattyń mańyzdy baǵyttarynyń biri.