62 poıyz baǵdaryn memleket sýbsıdııalap jatyr – mınıstrlik

<p>ASTANA. KAZINFORM &ndash; QR Kólik mınıstrligi jolaýshy tasymalyndaǵy vagon máselesine túsinik berdi.</p>

«Qazirgi kezde elimiz aýmaǵynda 140 jolaýshylar poıyzy, onyń ishinde respýblıkalyq bıýdjetten sýbsıdııalanatyn 62 áleýmettik mańyzy bar oblysaralyq marshrýt júredi. Sonymen qatar, jolaýshylar vagondarynyń jalpy parki 2 667-ge jetti (74% kondıtsıonerleý júıelerimen jabdyqtalǵan). Múmkindigi shekteýli jandarǵa arnalǵan 108 vagon bar. 2023 jyly jolaýshylarǵa arnalǵan 118 vagon satyp alyndy, onyń ishinde 11 vagon múmkindigi shekteýli jandarǵa arnalǵan», - delingen mınıstrliktiń Kazinform agenttigine bergen jaýabynda.

Bıyl 140 vagondy jetkizý josparlanǵan, onyń ishinde 88-i (8 arnaıy vagon) paıdalanýǵa berildi.

Aıta keteıik, Kólik mınıstrligi osy jyly kúzde egin oraǵy kezińinde astyq tasymaldaıtyn vagondarmen qamtamasyz etý qadamdaryn túsindirdi. 

Astyq tasymaldaý protsesine shamamen 13 myń astyq tasıtyn jáne 15 myń jabyq vagon tartylǵan.