62 mln. teńgeden astam bıýdjettik qarajatty urlaǵany úshin aıyptalǵan QR azamaty Armenııadan ekstradıtsııalandy

ASTANA. QazAqparat - Búgin Bas prokýratýra ishki ister organdarymen birlese otyryp Qazaqstan azamaty Araık Aıvazıandy Armenııadan ekstradıtsııalady, oǵan iri kólemde alaıaqtyq jasaǵany úshin Qyzylorda oblysynyń prokýratýra organdary izdeý salǵan bolatyn. Bul týraly Bas prokýratýranyń baspasóz qyzmeti habarlady.

«A.Aıvazıan 2011 jyly qurylys kompanııasynyń atqarýshy dırektory bolǵan kezinde Aral qalasyndaǵy kólik joldaryn jóndeýdi oryndaý barysynda 62 501 620 teńge somasyndaǵy bıýdjettik qarajatty urlaǵany úshin aıyptalyp otyr. Tergeý barysynda aıyptalýshy tergeý organdarynan jasyrynyp qalǵan jáne onyń turǵylyqty mekenin anyqtaý uzaq ýaqyt boıy múmkin bolmady.

Aıvazıan 2014 jylǵy qyrkúıekte Erevan qalasynda ustalǵannan keıin Qazaqstannyń Bas prokýratýrasy belgilengen tártip boıynsha ony qylmystyq jaýapkershilikke tartý úshin ustap berý týraly suraý joldaǵan jáne armıandyq tarap bul suraýdy aǵymdaǵy jylǵy qańtarda qoldady.

Qazirgi tańda Qyzylorda oblysynyń arnaıy prokýrorlary atalmysh qylmystyq is boıynsha tergeý júrgizýde», - dep jazylǵan habarlamada.