62 kásibı parashıýtshi Qazaqstan men Qarýly kúshterdiń chempıony ataǵyna saıysqa túsýde
Jeke komandalyq birinshiliktegi jarysta 16 erler jáne 3 áıelder komandasy quramynda 62 sportshy básekege túsýde. Chempıonat QR Qarýly kúshteri Parashıýttik daıarlyq ortalyǵynyń bazasynda, QR QK ÁQK Áskerı-áýe kúshteri men «Otan» qoǵamdyq birlestigi aeroklýbynyń bazasynda ótýde.
Qatysýshylar Almaty qalasynan, Qaraǵandy, Batys Qazaqstan jáne Almaty oblystarynan keldi. Onyń ishinde, olar QR QK Parashıýttik daıarlyq ortalyǵy, 61993, 48386, 18404, 32363 jáne 32356 áskerı bólimderi, sondaı-aq, elimizdiń aeroklýbtary men parashıýttik ortalyqtarynyń namysyn qorǵaıdy.
Baǵdarlamaǵa sáıkes qatysýshylarǵa birqatar jattyǵýlardy oryndaý qajet. Bul - jeke jáne komandalyq synaqta 900-1200 metr bıiktikten jerge qoný dáldigine jeke jáne toptyq sekirýler, erkin qulaýdaǵy akrobatıkalyq fıgýralar keshenin oryndaı otyryp, 2 200 metr bıiktikten jeke akrobatıkalyq sekirýler.
Qyzmet túri merzimdi túrde parashıýtpen sekirýlerdi oryndaýmen baılanysty áskerı qyzmetshilerdiń aıtýynsha, atalǵan chempıonat óziniń synyptyq biliktiligin rastaý men arttyrý, al sportshylarǵa sporttyq ataq pen dáreje berý úshin jaqsy múmkindik. Jalpy alǵanda, saıys Qarýly Kúshterde áskerı-qoldanbaly mánge ıe parashıýttik sportty damytýǵa, sportshylardyń sporttyq-tehnıkalyq sheberligi men moraldyq-jigerlik qasıetteriniń deńgeıin arttyrýǵa baǵyttalǵan.
Sonymen birge, bul parashıýttik sport boıynsha Qarýly kúshter men Qazaqstan Respýblıkasynyń qurama komandalaryn jasaqtaý úshin myqty sportshylardy irikteý, sondaı-aq, sporttyq tóreshilerdi daıyndaý jáne olardyń tóreshilik sanattaryn arttyrý.