61 myń adam zeınetaqy annýıteti boıynsha shart bekitti

NUR-SULTAN. QazAqparat – QR Qarjy naryǵyn retteý jáne damytý agenttigi Saqtandyrý naryǵy jáne aktýarlyq esep aıyrysýlar departamenti Saqtandyrý naryǵyn damytý basqarmasynyń basshysy Saǵı Ájibek zeınetaqy annýıteti sharttarynyń statıstıkasyn baıandady, dep habarlaıdy QazAqparat tilshisi.

«Qazirgi ýaqytta ómirdi saqtandyrý boıynsha naryqta 9 kompanııa bar, olardyń qyzmeti lıtsenzııa negizinde júrgiziledi jáne memleket baqylaýynda bolady» - dedi S. Ájibek Ortalyq kommýnıkatsııalar qyzmetinde ótken brıfıngte.

Saqtandyrý tólemderine kepildik berý qory esebinen zeınetaqy annýıteti tólemderine kepildik beriledi, bul ómirdi saqtandyrý kompanııasy bankrot bolǵan jaǵdaıda zeınetaqy annýıteti boıynsha úzilissiz tólemderdi jáne saqtanýshylar aldyndaǵy mindettemelerdi úzdiksiz oryndaýdy qamtamasyz etedi.

«Qazirgi ýaqytta 61 myńǵa jýyq adam ómirdi saqtandyrý kompanııasymen jalpy somasy 283 mlrd teńgege zeınetaqy annýıteti sharttaryn jasaǵan, osylaısha ózderin zeınettegi ómirlik tólemdermen qamtamasyz etken», - dedi S. Ájibek.

Buǵan deıin spıker zeınetaqy annýıteti shartynyń qandaı artyqshylyqtar beretinin jáne zeınetaqy annýıtetine qatysty zańnamaǵa qandaı ózgeris engizilgenin túsindirgen edi.