606,6 myń ga aýyl sharýashylyǵy jeri memleketke qaıtaryldy
20:55, 20 Maýsym 2022
NUR-SULTAN. QazAqparat - Premer-Mınıstrdiń birinshi orynbasary R.Sklıardyń basshylyǵymen paıdalanylmaıtyn jáne zańnamany buza otyryp berilgen jerlerdi alyp qoıý jónindegi jumys komıssııasynyń kezekti otyrysy ótti.
Onda vedomstvoaralyq óńirlik toptar jumysynyń nátıjeleri qaraldy, dep habarlaıdy QazAqparat Úkimettiń baspasóz qyzmetine silteme jasap.
Bıylǵy naýryz aıynan bastap josyqsyz jer paıdalanýshylarǵa qatysty 224 jospardan tys tekserý tirkeldi.
Aıta ketý qajet, jumys komıssııasynyń qyzmeti bastalǵannan beri memleketke 606,6 myń ga aýyl sharýashylyǵy jeri qaıtaryldy.
«Halyqty aýyl sharýashylyǵy maqsatyndaǵy jerlermen qamtamasyz etý máseleleri Úkimettiń erekshe baqylaýynda jáne osy baǵyttaǵy jumys jalǵasyn tabady»,-delingen habarlamada.