600-den astam mektep bitirýshi UBT nátıjesine shaǵym bildirdi

ASTANA. QazAqparat - Respýblıkalyq apellıatsııa komıssııasyna UBT nátıjelerine qatysty 639 shaǵym tústi, dep habarlaıdy QazAqparat tilshisi.

«Respýblıkalyq apellıatsııa komıssııasyna test tapsyrmalarynyń mazmunyna shaǵym aıta 243 bitirýshi (2017 jyly - 199) júgingen. Sonyń 101-i qanaǵattandyryldy (2017 jyly - 103). Al tehnıkalyq sebepterge baılanysty bildirilgen 396 shaǵymnyń (2017 jyly - 13) 120-sy qanaǵattandyryldy (2017 jyly - 8)», - dep málimdedi Ortalyq kommýnıkatsııalar qyzmetinde ótken baspasóz máslıhatynda Bilim jáne ǵylym mınıstrliginiń «Ulttyq biryńǵaı testileý» RMQK dırektory Ramazan Álimqulov.

Onyń aıtýynsha, bıyl UBT-da paıdalanylǵan mazmuny boıynsha qanaǵattandyrylǵan test tapsyrmalarynyń jalpy sany 0,3% boldy. Aǵylshyn tilindegi test tapsyrmalaryna shaǵymdanyp eshkim júginbegen.

Eske sala keteıik, bıyl UBT-nyń shektik deńgeıin eńsere almaǵandardyń sany on bes myńǵa jýyqtaǵanyn habarlaǵan bolatynbyz.