60 myń tonna et qashan eksporttalady: Prezıdent Asyljan Mamytbekovten jaýap aldy
13:28, 30 Qańtar 2019
ASTANA. QazAqparat - Úkimettiń keńeıtilgen otyrysynda QR Prezıdenti Nursultan Nazarbaev Aýyl sharýashylyǵy mınıstrliginiń basshylyǵynan jylyna 60 myń tonna et eksporttaý jospary qashan oryndalatynyn surady, dep habarlaıdy QazAqparat.
«Kezinde asyl tuqymdy iri qara maldy alyp kelip, fermalardy qurdyq. Sol kezde 60 myń tonna et eksporttalatyny aıtyldy. Bul mindet qashan oryndalady?», - dedi Elbasy QR Aýyl sharýashylyǵy mınıstrliginiń jaýapty hatshysy Asyljan Mamytbekovke qarata aıtqan sózinde.
Óz kezeginde jaýapty hatshy 2018 jyly 20 myń tonna eksporttalǵanyn, 2020 jyly 30 myń tonnaǵa jetetinin aıtty.
«Aldaǵy 2-3 jylda 60 myń tonna etti eksportqa shyǵarý mejesine jetemiz», - dedi A. Mamytbekov.