60 mln adam pandemııa saldarynan taqyr kedeıshilikke ushyraýy múmkin -Dúnıejúzilik bank

NUR-SULTAN. QazAqparat – Álem boıynsha 60 mıllıonǵa jýyq adam pandemııa saldarynan kedeıshiliktiń shekti jaǵdaıynda bolýy múmkin, dep sanaıdy Dúnıejúzilik Banktiń (DB) prezıdenti Devıd Melpas. Tıisti málimdeme seısenbi kúni uıymnyń saıtynda jarııalandy, dep habarlaıdy QazAqparat.

«Pandemııa jáne damyǵan ekonomıkalardyń toqtap turýy 60 mıllıonǵa jýyq adamdy kedeılikke ákelýi múmkin. Bul jaqynda kedeılikpen kúres jumystarynyń aıtarlyqtaı bóligin joqqa shyǵarady», - dep málimdedi Melpas.

Ol ekonomıkalyq ósimge oralý úshin tótenshe jaǵdaıǵa tez jáne ıkemdi áreket etý, halyqtyń kedeı toptaryna, onyń ishinde aqshalaı kómek kórsetý, jeke sektordy qoldaý jáne ekonomıkanyń turaqtylyǵyn nyǵaıtý qajet ekenin atap ótti.

Málimdemede Dúnıejúzilik bank álem halqynyń 70% quraıtyn 100 elde indetpen kúresýge kómekteskeni aıtylǵan. Jalpy alǵanda, Dúnıejúzilik bank 15 aı ishinde pandemııa zardaptarymen kúresý úshin damýshy elderge granttar, nesıeler jáne ınvestıtsııalar túrinde 160 mıllıard AQSh dollaryn bólýdi óz mindetine alǵan.