6 jasar balany sýdan qutqarǵan áskerı qyzmetshi marapattaldy
QR UU «Shyǵys» óńirlik qolbasshylyǵy baspasóz qyzmetiniń málimetine súıensek, Úlbi ózeninde sýǵa batyp bara jatqan 6 jasar balany qutqaryp qalǵan Ulttyq ulannyń áskerı qyzmetkerine qurmet kórsetildi. Oǵan Іshki ister mınıstriniń orynbasary-UU Bas qolbasshysy atynan «Ulttyq ulan qyzmetiniń úzdigi» jáne «Shyǵys» óńirlik qolbasshylyǵynyń «Qoǵamdyq tártipti saqtaǵany úshin» tósbelgileri berildi.
«Bul oqıǵa 16 shilde kúni bolǵan. Sý aǵynyn eńsere almaı tunshyǵyp jatqan balany baıqaǵan efreıtor Tilek Qumarbekov dereý sýǵa sekirgen. Onyń qolynan ustap, jaǵaǵa shyǵarǵany sol edi, kenet ózi sý jutyp, tunshyǵa bastaıdy. Balany qutqaryp úlgergenimen, ózi ózenge batyp bara jatty. Muny kórgen jaǵadaǵylar lezde kómekke kelip, Tilekti sýdan shyǵaryp aldy. Sýda biraz qalyp qoıǵan áskerı qyzmetshi esinen tanyp qalǵan. A ýrýhanaǵa bara jatqan jolda jedel járdem kóliginde oǵan reanımatsııalyq sharalar jasalyp, ol esin jıdy», - deıdi baspasóz qyzmetiniń bastyǵy Baǵdat Amangeldi.
Óskemendegi 3477 áskerı bólimde beıbit kúnniń batyryna arnalǵan saltanatty shara ótti. Sharaǵa bólim basshylyǵymen qatar Tilektiń ata-anasy da qatysty.