Ortalyq kommýnıkatsııalar qyzmetinde ótken brıfıngide jýrnalıster Elorda kúnine arnalǵan otshashýdy ótkizbeý sheshimi osy datada týǵan kúnin atap ótetin Nursultan Nazarbaevtyń esimimen qanshalyqty baılanysty ekenin surady.
«Biz bıyl eshqandaı otshashý uıymdastyrýdy josparlaǵan joqpyz. Sondyqtan ol siz famılııasyn aıtyp otyrǵan adammen (Nursultan Nazarbaev – red.) eshqandaı baılanysty emes. Qala jurtshylyǵy da otshashýdy ótkizýdi suraǵan joq. Sondyqtan ol bolmaıdy», - dep jaýap qatty Jeńis Qasymbek.
Eske salaıyq, 2021 jyly jáne byltyr Astana kúnine oraı otshashý bolmaǵan edi. Keshe qala ákiminiń baspasóz qyzmeti feıerverk bıyl da bolmaıtynyn málim etti.