6 ret úılengen: Balalaryn qorlaǵan emshiniń qandaı dıagnozben esepte turatyny belgili boldy
Shymkent qalalyq advokattar alqasynyń advokaty Ibadýlla Nurmanov – emshige memleket esebinen berilgen qorǵaýshy. Advokat balalardyń mundaı qorlyq kórýine Bilim basqarmasyn kinálap otyr.
«Bul jerde Astana, Almaty, Shymkent Bilim basqarmalarynyń kemshilikteri zor dep aıtýǵa bolady. Sebebi U.Smanov buryn jaýapqa tartylǵany, esepte turǵany belgili. Jas kezinen bastap júıke aýrýy bolǵan. Biraq olar sony eskermesten balalardy asyraýǵa bergen. ıAǵnı, tekserý formaldy túrde júrgizilgen dep aıtsaq bolady. Basqarmadaǵylar onyń alyp kelgen qujattaryn kórdik dep otyr. «Sottylyǵy bolmaǵan, esepte turmaǵan» degenmen shektelgen. Biraq onyń úı jaǵdaıyn teksermegen. Qandaı jaǵdaıda turady? Qandaı adamdar? Balalardy asyraı ala ma? Bul boıynsha kórshilerimen suhbat jasamaǵan. Ol júıke aýrýyna baılanysty 6 ret úılenip ajyrasqan», - dedi advokat Ibadýlla Nurmanov.
Óz sózinde qorǵaýshy sot otyrysy kezinde Shymkent qalalyq Bilim basqarmasynan nelikten emshiniń kórshilerinen aqparat almaǵanyn suraǵan. Alaıda olar óz quzyretine jatpaıtynyn aıtqan.
«Sotqa bala asyrap alý qujattaryna, qaǵıdalaryna mindetti túrde ózgeris ený kerek, jekeshe qaýly shyǵaryńyz dep usynys jasadym. Óıtkeni Bilim basqarmasyndaǵylar balany asyrap alýǵa beretin kezde ol otbasynyń kórshilerimen, aǵaıyn-týysymen suhbat júrgizip, bárin bilip alýy kerek. Óıtkeni bul aýyr, asa aýyr qylmysqa aparýy múmkin edi... Qudaıǵa shúkir, tek qana jeńil jaǵdaımen shektelip otyr. Ózderińiz de estip jatyrsyzdar ǵoı asyrap alǵan ata-anasy, ógeı áke-sheshesi balalarǵa zorlyq-zombylyq jasap, pedofılııa degen bar. Sondaı jaǵdaıǵa jetpegenine Allaǵa shúkir deımiz. Bul jerde sonymen qatar polıtsııa tarapynan tekserý boldy ma dep suraq qoıdym. Ýchaskelik ınspektor oń minezdeme bergen eken. Sýdıadan polıtseılerdiń jaýapkershiligin qaraý týraly jeke qaýly shyǵarýyn suradym. Sebebi olar nemquraıly qaraǵan bolyp tur ǵoı. Jas baldarǵa, onyń ishinde 1-ge tolmaǵan balalarǵa aýrý adam qalaısha tárbıe berýi múmkin», - dedi advokat.
Ibadýlla Nurmanov emshiniń ózimen kezdesip, sóılespegen. Tergeý kezinde emshiniń 1995 jyldan bastap esepte turatynyn týystary men kórshileri rastaǵan. Biraq ol balalardy asyrap alarda esepte turmaıtyny jáne sotty bolmaǵany týraly anyqtamany qalaı alǵany beımálim.
«Endi ol jasaǵanyn moıyndaıdy ǵoı. Biraq jaýaby esepke alynbaıdy. Psıhıatr sarapshylardyń qorytyndysymen óz árketine, sózine jaýap bere almaıdy», - dedi qorǵaýshy.
Advokattyń aıtýynsha, qazirgi tańda emshiniń áıeliniń ústinen is qozǵalyp, tergeý amaldary júrip jatyr. Biraq naqty qaı bappen is qozǵalǵany belgisiz.
Aıta keteıik, emshige qatysty sot aktisi búgin jarııalanady.
Buǵan deıin Shymkentte jergilikti emshiniń 6 balany asyrap alyp, olarǵa ıt pen mysyqtyń etin bergenin, úsh jyldan beri azaptap kelgenin jazǵan bolatynbyz. Keıinirek emshi týraly tyń derek shyqty.
Emshi isinen soń bilim salasynyń birqatar qyzmetkeri jazalandy. Sonymen qatar qalalyq Densaýlyq saqtaý basqarmasyndaǵylar balalardyń qazirgi jaǵdaıy týraly aıtyp berdi.
Budan ózge Kazinform redaktsııasyna emshi asyrap alǵan balalar týraly tyń derek kelip tústi. Ondaǵy málimette búldirshinderdiń biri atalǵan otbasyǵa nebári 1,5 aılyǵynda qamqorlyqqa berilgeni kórsetilgen. Qamqorlyqqa berilgen balalardyń arasynda úsh aılyq egizder de bar.
Balalardyń biriniń ájesi Óskemende turatyny belgili boldy. Ol Kazinform tilshisine bergen suhbatynda jıen nemeresi asyraýǵa qalaı berilgenin aıtyp berdi.
Astana qalalyq Bilim basqarmasyna emshiniń qamqorlyǵyna berilgen egiz balalar elordaǵa qaıtarylatynyn aıtty.
Qoǵamdyq rezonans týdyrǵan is sotqa kelip tústi.
Kóp uzamaı asyrap alǵan balalaryn qorlady degen aıyp taǵylyp otyrǵan emshiniń isin qaraıtyn sýdıa belgili boldy.
ІІM Kazinform agenttiginiń resmı saýalyna bergen jaýabynda asyrap alǵan alty balany azaptady degen kúdikke ilingen emshiniń mamandandyrylǵan aýrýhanada jatqanyn aıtty.
Al Oqý-aǵartý mınıstrligi bala quqyqtaryn qorǵaý komıteti shymkenttik emshi aqyl-esi saý degen qujat ótkizgenin málimdedi.
Búgin ótip jatqan sot protsesindegi Bilim basqarmasynyń mamany emshiniń osydan 31 jyl buryn adam óltirgenin aıtty.
Asyrap alǵan balalaryn qorlaǵan emshiniń 31 jyl buryn adam óltirgeni rastaldy.