6 myńnan astam ózbekstandyqqa Qytaı vaktsınasy salyndy

TAShKENT. ÓzA – QazAqparat - Ózbekstanda qytaılyq Zhifei Loncom Biofarmaceutical kompanııasy jasaǵan ZF 2001 vaktsınasynyń úshinshi klınıkalyq synaǵy jalǵasýda. Bul týraly QazAqparat ÓzA agenttigine silteme jasap habarlaıdy.

Ózbekstannyń Innovatsııalyq damý mınıstrliginiń habarlaýynsha, ZF 2001 vaktsınasynyń ІІІ fazaly synaq kezeńine qatysýǵa nıet bildirgen eriktiler sany 14 008 adamǵa jetti.

5 aqpan kúngi jaǵdaı boıynsha, ataýly vaktsınanyń 1-dozasyn 6484, 2-shi dozasyn 1045 erikti qabyldaǵan.

Sonymen qatar, vaktsına alý nıette kelgen árbir azamat tirkeýden ótedi jáne olarmen túsindirý jumystary júrgiziledi. Keıingi jaǵdaı boıynsha onyń antropometrııalyq belgileri - boıy men salmaǵy ólshenip, ımmýnofermentti analızin (IFA) alýǵa alýy kerek. Bul tekserýdiń nátıjesi 20 mınýt ishinde daıyn bolady.

Bul test qanda vırýsqa qarsy antıdenelerdiń bar-joǵyn anyqtaıdy. Ol azamattyń koronavırýsty buryn juqtyrǵanyn bilý úshin qajetti faktor, - delingen habarlamada.