6 myńǵa jýyq adamdy aldaǵan alaıaq 5 jylǵa sottaldy

ASTANA. QazAqparat - Qarjylyq monıtorıng agenttigi Aqmola oblysy boıynsha departamenti LV FORCE qarjylyq pıramıdasyn qurý jáne basqarý boıynsha E.Lıshkoǵa qatysty sotqa deıingi tergeýdi aıaqtady, dep habarlaıdy QazAqparat.

«2018 jyldan bastap E.Lıshko Stepnogorsk qalasynyń aýmaǵynda jeke tulǵalardan túsetin qarajatty qaıta bólý arqyly aqsha tartýdan kiris alý maqsatynda LV FORCE kompanııasyn uıymdastyrý týraly sheshim qabyldap, qarjylyq pıramıda qyzmetin uıymdastyrdy. Nátıjesinde osy pıramıda jumys istegen kezeńde 5 822 jeke tulǵa tartylyp, keltirilgen shyǵyn kólemi 147 mıllıon teńgeden asady», - dep jazdy agenttikten.

Sot E.Lıshkony kináli dep tanyp, oǵan tyıym salynǵan múlki tárkilenip, bes jyl merzimge bas bostandyǵynan aıyrý jazasy taǵaıyndaldy.