6 mln otbasyna qatysty aqparat 80 parametrmen kún saıyn jańartylady - Mýsın

NUR-SULTAN. QazAqparat – Kún saıyn eldegi 6 mıllıon otbasynyń 80 parametr negizinde jańartylyp otyrady. Bul týraly Úkimet otyrysynda tehnologııalyq serpilis ulttyq jobasyn talqylaý kezinde Tsıfrlyq damý, ınnovatsııalar jáne aeroǵarysh ónerkásibi mınıstri Baǵdat Mýsın aıtty, dep habarlaıdy QazAqparat tilshisi.

«Otbasynyń tsıfrlyq kartasy» qatysty Memleket basshysynyń tapsyrmasyna sáıkes, biz Eńbek jáne áleýmettik qorǵaý mınıstrligimen birlese elimizdegi otbasylar boıynsha etalondyq derekter bazasyn quryp jatyrmyz. Kún saıyn eldegi 6 mıllıon otbasynyń ál-aýqaty 80 parametr negizinde jańartylyp otyrady. Skorıng modeli negizinde ár otbasynyń qandaı táýekelderge ushyraıtynyn kóre alamyz. Bul óz kezeginde muqtaj otbasylarǵa áleýmettik kómekti proaktıvti formatta kórsetýge múmkindik beredi», - dedi B. Mýsın.

Onyń atýynsha, osy kartany «Áleýmettik ámııan» jobasymen ıntegratsııalaý negizinde mınıstrlik memlekettik qoldaýdyń vaýcherlik júıesin iske asyratyn bolady.

«Vaýcherlik júıeni dári-dármekterdiń mysalynda kórsetetin bolsaq, bul protsess edáýir ońtaılanatyn bolady. Atap aıtqanda, tegin dárini alýshy emhanadan alǵan retseptini uıaly telefonǵa júktep, sol arqyly dárihanaǵa kórsetý arqyly shottan shyǵarady», - dedi mınıstr.

Budan buryn habarlanǵandaı, memlekettik qyzmetterdi elektrondyq formatqa aýystyrý 94 paıyzǵa jetti.

Foto:primeminister.kz