6 mıkroqarjy uıymy lıtsenzııasynan aıyrylýy múmkin

ASTANA. QazAqparat – Elimizde mıkroqarjy uıymdarynyń qyzmeti tekserilip jatyr. Bul týraly Májilis depýtattarynyń saýalyna QR Qarjy naryǵyn retteý jáne damytý agenttigi tóraǵasynyń birinshi orynbasary Nurlan Ábdirahmanovtyń jaýabynda aıtylǵan, dep habarlaıdy QazAqparat tilshisi.

«Agenttik 2021 jyly mıkroqarjy uıymdaryna tekserý júrgizý úshin táýekelge baǵdarlanǵan qadaǵalaý algorıtmin engizdi. Problemalyq bereshektiń ósý qarqynynyń joǵarylaýy jáne azamattardyń shaǵymdarynyń kóbeıýi sııaqty faktorlardyń negizinde osy jyldyń shildesinde jospardan tys tekserý júrgizý úshin 10 mıkroqarjy anyqtaldy. Atalǵan kompanııalardyń úlesine 50 AEK-ke deıingi onlaın mıkrokredıtter boıynsha bereshektiń shamamen 80 paıyzy tıesili», - dedi ol.

Onyń atap ótýinshe, tekserý boryshtyq júkteme koeffıtsıentin esepteýdiń shekti máni men tártibin, syıaqy mólsherlemesiniń shekti máni jáne mıkrokredıt boıynsha artyq tólem mólsheri, mıkrokredıtter boıynsha merzimi ótken bereshekti retteý tártibin saqtaý jónindegi uıym talaptarynyń saqtalýyn qamtıdy.

«Qazirgi ýaqytta tekserýler 6 mıkroqarjy uıymda júrgizilýde. Onyń ekeýi boıynsha lıtsenzııany qaıtaryp alýǵa aldyn ala negiz bar. Tekserý nátıjeleri boıynsha osy jyldyń 5 tamyzynda «Kvıký» MQU» JShS-niń mıkroqarjy qyzmetin júzege asyrýǵa lıtsenzııasy qaıtaryp alyndy», - dedi Nurlan Ábdirahmanov.