6 laýazym ıesi jaýapqa tartyldy - Memlekettik qyzmet isteri agenttigi

NUR-SULTAN. QazAqparat - QR Memlekettik qyzmet isteri agenttigi tarapynan júrgizilgen tekserýler nátıjesinde 90 paıyz jaǵdaıda qyzmet alýshylardyń quqyqtary qalpyna keltirildi. Jyl basynan beri jergilikti atqarýshy organdar qyzmetkerleriniń is-áreketine qatysty 184 ótinish kelip tústi, dep habarlaıdy QazAqparat.

«Osynyń negizinde agenttik jáne aýmaqtyq bólimsheler tarapynan 101 jospardan tys tekserý júrgizilip, nátıjesinde 40 ótinish ıeleriniń keltirgen faktileri dálelin tapty. Azamattardyń shaǵymdary boıynsha tekserý qorytyndysymen memlekettik organdar men olardyń vedomstvolyq baǵynysty mekemeleriniń 48 qyzmetkeri túrli tártiptik jaýapkershilikterge tartyldy», - delingen agenttik baspasóz qyzmetiniń málimetinde.

Sonymen qatar, kelip túsken ótinishter negizinde 6 laýazymdy tulǵa ákimshilik jaýapkershilikke tartyldy.

Mysaly, MQІA Jambyl oblysy boıynsha departamentine Qordaı aýdanynyń turǵyny B. Kıshkenebaev Qordaı aýdany ákimdiginiń sáýlet, qala qurylysy jáne qurylys bólimimen «Tireý jáne qorshaý konstrýktsııalaryn, ınjenerlik júıeler men jabdyqtardy ózgertýge baılanysty qoldanystaǵy ǵımarattar men qurylystardyń úı-jaılaryn rekonstrýktsııalaý úshin bastapqy materıaldardy (sáýlet-josparlaý tapsyrmasy jáne tehnıkalyq sharttar) jańadan salýǵa ruqsat berý týraly» memlekettik kórsetiletin qyzmetin kórsetýden negizssiz bas tartýy boıynsha shaǵymdandy.

B.Kıshkenebaevtyń shaǵymynyń negizinde Departament tarapynan Bólimde jospardan tys tekserý júrgizilip, nátıjesi boıynsha ótinishte kórsetilgen faktiler rastaldy.

Anyqtalǵan zań buzýshylyqtar negizinde bólimniń basshysy E.Mendekeev QR ÁQBtK 465 babynyń 2-tarmaǵymen ákimshilik jaýapkershilikke tartyldy jáne 15 AEK kóleminde aıyppul salyndy.

Nátıjesinde, B.Kıshkenebaevqa 2021 jylǵy 19 naýryzda qyzmet kórsetýdiń oń nátıjesi berildi.