6 kompanııaǵa kómirsýtekter boıynsha jer qoınaýyn paıdalaný quqyǵy berildi

<p>ASTANA. KAZINFORM &ndash; Kómirsýtekter boıynsha jer qoınaýyn paıdalaný quqyǵyn alýǵa arnalǵan elektrondyq aýktsıonnyń qorytyndysy jarııalandy, dep habarlaıdy QR Energetıka mınıstrliginiń baspasóz qyzmeti.</p>

Bul aýktsıondy atalǵan vedomstvo 2024 jylǵy 11 qyrkúıekte jarııalaǵan.

Myna kompanııalar jeńimpaz bolyp tanyldy: 

1. Atyraý oblysyndaǵy Qıǵash ýchaskesindegi kómirsýtekterdi barlaý jáne óndirý boıynsha (401096) - «Pro Explore Mining Co., Ltd.» jeke kompanııasy;

2. Ulytaý oblysyndaǵy Bestaqyr ýchaskesindegi kómirsýtekterdi barlaý jáne óndirý boıynsha (401097) – «Sozak Oil and Gas» aktsıonerlik qoǵamy;

3. Atyraý jáne Mańǵystaý oblystaryndaǵy Aznagúl ýchaskesindegi kómirsýtekterdi barlaý jáne óndirý boıynsha (401103) - «Astana Guangming Mining Co., Ltd.» jeke kompanııasy;

4. Aqtóbe oblysyndaǵy Batys Jarqamys II ýchaskesindegi kómirsýtekterdi barlaý jáne óndirý boıynsha (401098) - «HarmonyOre Mining Co., Ltd.» jeke kompanııasy;

5. Atyraý oblysyndaǵy Qulsary ken ornyndaǵy kómirsýtekterdi barlaý jáne óndirý boıynsha (401104) - «Kazakhstan Zhonghengyongsheng Energy Co., Ltd.» jeke kompanııasy;

6. Batys Qazaqstan jáne Aqtóbe oblystaryndaǵy Shyńǵys-Telsý ken ornyndaǵy kómirsýtekterdi barlaý jáne óndirý boıynsha (401101) - «RV-Oil&Gas» JShS-i.

Aıta keteıik, elimizde kómirsýtekter boıynsha jer qoınaýyn paıdalaný quqyǵyn berý 4 jyldan beri elektrondyq aýktsıon arqyly júzege asyrylyp keledi. 

Bul «Jer qoınaýy jáne jer qoınaýyn paıdalaný týraly» kodekske aýktsıondardy elektrondy formatta ótkizýge múmkindik beretin túzetýler engizýge baılanysty múmkin boldy.

Eger aýktsıondar buryn qaǵaz júzinde júrgizilip, qatysýshylarǵa belgili bir qolaısyzdyqtar týǵyzsa, 2020 jyldyń 1 qyrkúıeginen bastap jer qoınaýyn paıdalaný quqyǵyn alýǵa múddeli tulǵa aýktsıondarǵa onlaın tártipte qatysa alady.