6 qyrkúıek. Tulǵalar týǵan kún
ESІMDER
56 jyl buryn (1968) Qazaqstan Respýblıkasy Qorǵanys mınıstrligi Qazaqstan Respýblıkasy memlekettik avıatsııasy ushýlarynyń qaýipsizdigin qadaǵalaý departamentiniń bastyǵy Reshat Maıdanqanuly ESKENDІROV dúnıege keldi.
Shyǵys-Qazaqstan oblysynda dúnıege kelgen. Tbılısı qalasyndaǵy joǵary artıllerııa komandalyq ýchılışesin bitirgen. Mıhaılov atyndaǵy artıllerııalyq akademııasyn úzdik bitirgen. Ulttyq qorǵanys ýnıversıtetiniń «Generaldy shtabtyq akademııasyn» bitirgen.
Eńbek joly: QR QK ár-túrli laýazymdarynda qyzmet atqarǵan.
2022 jyly QR QK Bas shtabynyń Ushqyshsyz avıatsııalyq júıelerin damytý jáne qoldaný Departamentiniń bastyǵy qyzmetin atqardy.
50 jyl buryn (1974) Qazaqstan Respýblıkasynyń Belgııa Koroldigindegi Tótenshe jáne Ókiletti Elshisi, Qazaqstan Respýblıkasynyń Lıýksembýrg Uly Gertsogtigindegi Tótenshe jáne Ókiletti Elshisi, Eýropalyq Odaq janyndaǵy jáne Soltústik Atlant Sharty uıymyndaǵy (NATO) Qazaqstan Respýblıkasy ókildiginiń basshysy Marǵulan Baqytuly BAIMUQAN dúnıege keldi.
Almaty oblysynda týǵan. 2010 jyly Polıak halyqaralyq qatynastar Instıtýty Dıplomatııalyq Akademııasyn (Varshava), 2011 jyly Polshadaǵy Krakov ekonomıkalyq ýnıversıtetin, 2011 jyly Kanadanyń Vankýver ýnıversıtetin, 2016 jyly Ulybrıtanııanyń Hertfordshır Ýnıversıtetin bitirgen.
Eńbek joly: 1996-1997 jyldary «Daewoo Electronics» kompanııasyndaǵy marketıng jáne kommertsııa máseleleri jónindegi menedjeri, 1997-1999 jyldary Polshada «River System Ltd.» kompanııasynyń eksport bóliminiń mamany, keńesshisi, aımaqtyq (Ońtústik Kavkaz jáne Ortalyq Azııa elderi) dırektory, 1999-2001 jyldary QR Syrtqy ister mınıstrligi Halyqaralyq ekonomıkalyq yntymaqtastyq departamentiniń attashesi, úshinshi hatshysy, 2001-2005 jyldary Qazaqstan Respýblıkasynyń Polsha Respýblıkasyndaǵy Elshiliginiń attashe-konsýly, úshinshi jáne ekinshi hatshysy, 2005-2007 jyldary Qazaqstan Respýblıkasynyń Syrtqy ister mınıstrligi TMD isteri departamentiniń Halyqaralyq uıymdar bóliminiń, Áskerı-saıası yntymaqtastyq bóliminiń keńesshisi, basshysy qyzmetin atqarǵan. 2007-2013 jyldary Qazaqstan Respýblıkasynyń Polsha Respýblıkasyndaǵy Elshiliginiń Keńesshisi, Keńesshi-ýákili, 2013-2015 jyldary Qazaqstan Respýblıkasynyń Syrtqy ister mınıstrligi Syrtqy saıası taldaý jáne boljaý komıteti tóraǵasynyń orynbasary, 2015-2019 jyldary Qazaqstan Respýblıkasynyń Polsha Respýblıkasyndaǵy Tótenshe jáne Ókiletti Elshisi, 2019-2021 jyldary QR Syrtqy ister mınıstriniń orynbasary laýazymyn atqardy.
Qazirgi qyzmetin 2021 jylǵy sáýirden bastap atqaryp keledi.
47 jyl buryn (1977) Erekshe tapsyrmalar boıynsha Elshi - QR Syrtqy ister mınıstrliginiń Almaty qadasyndaǵy Ókildiginiń Basshysy Jánibek Jarasqanuly ÁBDІRAShOV dúnıege keldi.
Almaty qalasynda týǵan. 1998 jyly Qazaq memlekettik zań ýnıversıtetin «zańger» mamandyǵy boıynsha bitirgen.
Eńbek joly: 1998-2004 jyldary QR SІM Dıplomatııalyq korpýsqa qyzmet kórsetý departamentiniń zańger keńesshisi jáne sektor meńgerýshisi, 2004-2006 jyldary Almaty qalasyndaǵy QR SІM ókildigi Memlekettik hattama qyzmeti bóliminiń bastyǵy, 2006-2010 jyldary Nıý-Iork qalasyndaǵy BUU janyndaǵy QR Turaqty Ókildiginiń ekinshi, birinshi hatshysy qyzmetinde boldy. 2010-2014 jyldary QR SІM Memlekettik hattama qyzmeti basshysynyń orynbasary, 2014-2017 jyldary QR SІM Memlekettik hattama qyzmeti basshysy, 2017-2019 jyldary Nıý-Iork qalasyndaǵy Qazaqstan Respýblıkasynyń Bas konsýly, 2019-2024 jyldary Qazaqstan Respýblıkasynyń Majarstandaǵy Tótenshe jáne Ókiletti Elshisi, 2020-2024 jyldary QR Soltústik Makedonııa Respýblıkasyndaǵy Tótenshe jáne Ókiletti Elshisi qyzmetin qosa atqarýshy qyzmetinde boldy.
Qazirgi laýazymyn 2024 jyldyń shilde aıynan bastap atqaryp keledi.
46 jyl buryn (1978) Astana qalasy ákiminiń orynbasary Ersin Kenjebaıuly ÓTEBAEV dúnıege keldi.
Almaty oblysy, Jambyl aýdany, Uzynaǵash aýylynda týǵan. Qazaq memlekettik kólik jáne kommýnıkatsııalar akademııasynda (1995-2000), Baǵalaý jáne qurylys akademııasynda (2006-2008); Qaztutynýodaǵy Qaraǵandy ekonomıkalyq ýnıversıtetinde (2009-2011) bilim alǵan.
Eńbek joly: 2002-2008 jyldary jeke sektorda ártúrli laýazymdarda, 2008-2012 jyldary bıýdjettik uıymdarda ártúrli laýazymdarda jumys istegen. Ár jyldary birqatar basqarmalarda ártúrli pozıtsııalarda jumys istedi. Sońǵy jyldary «Astana qalasynyń kommýnaldyq múlik jáne memlekettik satyp alý basqarmasy» MM, «Astana qalasynyń aktıvter jáne Memlekettik satyp alý basqarmasy» MM basshysynyń orynbasary, basshysy laýazymdaryn atqardy.
Qazirgi qyzmetin 2023 jyldyń qyrkúıeginen beri atqaryp keledi.