6 qazan. Tulǵalar týǵan kún

ASTANA. QazAqparat – Búgin, ıaǵnı 6 qazan kúni tulǵalardan kimder dúnıege kelgen? QazAqparat oqyrmandaryna esimder kúntizbesin usynady.

ESІMDER

60 jyl buryn (1962) Qazaqstan Respýblıkasynyń memleket qaıratkeri Serik Silámjanuly SYDYQOV dúnıege keldi.

S.M. Kırov atyndaǵy Qazaq memlekettik ýnıversıtetin bitirgen, zańger. Qazaq KSR Eńbek memlekettik komıtetinde eńbek resýrstary bóliminiń aǵa ekonomısi jáne is basqarý aǵa ınspektory, QR Eńbek mınıstrliginiń jumyspen qamtý bas basqarmasynda eńbekti quqyqtyq retteý bóliminiń bas zań keńesshisi, Jumyspen qamtý memlekettik qyzmet ınspektsııasynyń bastyǵy, Jumyspen qamtý bas basqarmasy bastyǵynyń orynbasary; «Turan-Agro» JShQ zań bóliminiń meńgerýshisi, QR Prezıdentiniń Joǵarǵy keńestegi ókiliniń aǵa sarapshysy, QR Parlamenti Senaty apparatynda konsýltant, quqyqtyq saraptama bóliminiń sektor meńgerýshisi, saraptama bólimi meńgerýshisiniń orynbasary, Ákimshilik bólim meńgerýshisi, apparat basshysynyń birinshi orynbasary, QR Parlamenti Senaty apparatynyń basshysy bolyp qyzmet atqardy. QR Ortalyq saılaý komıssııasynyń múshesi (2020-2022).

«Qurmet» ordenimen, TMD PAA Qurmet gramotasymen, «TMD PAA. 20 jyl» kúmis medalimen, medaldarmen marapattalǵan.

58 jyl buryn (1964) Almaty qalalyq sotynyń tóraǵasy Asqar Spartakuly SMAILOV dúnıege keldi.

Jambyl oblysy, Qarataý qalasynda dúnıege kelgen. Qaraǵandy ​​memlekettik ýnıversıtetin zańger mamandyǵy boıynsha bitirgen (1989).

Eńbek joly: Jambyl oblystyq memlekettik tóreliginiń arbıtri (1989-1994); Jambyl oblystyq tórelik sotynyń sýdıasy (1994-1995); Jambyl oblystyq sotynyń sýdıasy (1995-2009); Jambyl oblystyq sotynyń azamattyq ister jónindegi alqasynyń tóraǵasy (2009); Jambyl oblystyq sotynyń kassatsııalyq sot alqasynyń tóraǵasy (2010-2015). QR Joǵarǵy sotynyń sýdıasy (2015-2020).

Qazirgi qyzmetin 2020 jyldyń sáýir aıynan beri atqaryp keledi.

53 jyl buryn (1969) belgili qazaqstandyq kásipker, metsenat, «Altyn Qyran» kompanııalar tobynyń quryltaıshysy ári bas dırektory, «Altyn Kyran» Halyqaralyq qaıyrymdylyq qorynyń prezıdenti Islambek Tileýbaıuly SÁLJANOV dúnıege keldi.

Ol Aqtóbe oblysynda týǵan. Aqtóbe memlekettik medıtsınalyq ınstıtýtyn, hırýrg (1993); Qazaq memlekettik basqarý akademııasynyń janyndaǵy Naryq ınstıtýtyn, ekonomıst (1997); Reseı Federatsııasy Úkimetiniń janyndaǵy Halyq sharýashylyǵy akademııasyn – Máskeý qalasyndaǵy Bıznes jáne iskerlik basqarý ınstıtýtyn, marketıng jáne satylymdardy basqarý (2005); Dıýk ýnıversıtetiniń janyndaǵy Senford memlekettik saıasat mektebiniń yqpaldastyǵymen Qazaqstan Respýblıkasy Prezıdentiniń janyndaǵy Memlekettik basqarý akademııasynyń janyndaǵy Memlekettik saıasat ulttyq mektebin (2012) bitirgen.

Eńbek joly: Aqtóbe qalasyndaǵy «Maqsat Kapıtal» ShJK quryltaıshysy ári dırektory (1993-1998); «AKZHOL» qazaq-nemis birikken kásipornynyń teń quryltaıshysy jáne dırektory (1998-2000); «QazMunaıGaz» UK» AQ enshiles kásiporny «Qazaqoıl-Prodakts» JShS Aqtóbe fılıalynyń dırektory (2000-2001); «AKZHOL» kompanııalar tobynyń quryltaıshysy jáne bas dırektory (2001-2004).

«Qurmet» ordenimen; «Qazaqstan Respýblıkasynyń táýelsizdigine 10 jyl», «Qazaqstan Respýblıkasynyń táýelsizdigine 20 jyl» medaldarymen; «Bilim berý metsenaty-2012» Altyn medali jáne dıplomymen marapattalǵan.

51 jyl buryn (1971) «QazTransOıl» AQ dırektorlar keńesiniń tóraǵasy Marat Kóshkinbaıuly ORMANOV dúnıege keldi.

Sevastopol joǵary áskerı-ınjenerlik tehnıkýmyn bitirgen, ınjener-mehanık; Qaınar ýnıversıtetiniń halyqaralyq qatynastar fakýltetin támamdaǵan.

Eńbek joly: Qazaqstan Respýblıkasy Áskerı-teńiz kúshterindegi qyzmet (1993-1996); jetekshi mamannan bastap «Mańǵystaýmunaıgaz» AQ-da jetekshi ınjenerge deıin ártúrli laýazymdarda jumys istedi (1996-2001); 2001-2005 jyldary «Qazmortransflot» UTK Aqtaý fılıalynyń dırektory, bas dırektordyń kommertsııalyq máseleler jónindegi orynbasary, bas dırektordyń strategııalyq damý jónindegi orynbasary qyzmetterin atqarǵan. 2005-2020 jyldary «Qazmortransflot» Ulttyq teńiz keme qatynasy kompanııasynyń bas dırektory bolǵan. «QazMunaıGaz» ulttyq kompanııasy» AQ Tasymaldaý jáne logıstıka departamentiniń dırektory, «Qazmortransflot» Ulttyq teńiz keme qatynasy kompanııasy Baqylaýshy keńesiniń tóraǵasy (2020 jyldan bastap).

Qazirgi qyzmetin 2022 jyldyń mamyr aıynan beri atqaryp keledi.

41 jyl buryn (1981) Qaraǵandy ​​oblysy ákiminiń orynbasary Nursultan Rınatuly JIENBAEV dúnıege keldi.

Almaty qalasynda dúnıege kelgen. Almatyda Abaı atyndaǵy memlekettik ýnıversıtetin bitirgen, halyqaralyq zańger (2004); «Shiller» halyqaralyq ýnıversıteti (Frantsııa); Máskeý «Skolkovo» basqarý mektebinde bilim aldy.

Eńbek qyzmeti: «QAZAQGAZ» respýblıkalyq kompanııasy» AQ menedjeri (1999-2001); Memlekettik satyp alýlar agenttiginde jumys (2001-2004); «Azyq-túlik korporatsııasy» AQ syrtqy ekonomıkalyq qyzmet basqarmasynyń bastyǵy (2004-2005); jeke kompanııalardaǵy basshy laýazymdar (2005-2016); «Kazakh invest» UK» AQ basqarma tóraǵasynyń orynbasary (2016-2018); «Turǵyn úı-kommýnaldyq sharýashylyǵyn jańǵyrtý men damytýdyń qazaqstandyq ortalyǵy» AQ basqarma tóraǵasy (2019-2020).

Qazirgi qyzmetin 2020 jyldyń qazan aıynan bastap atqarnyp keledi.

39 jyl buryn (1983) Shyǵys Qazaqstan oblysy Rıdder qalasynyń ákimi Dmıtrıı Anatolevıch GORЬKOVOI dúnıege keldi.

Shyǵys Qazaqstan oblysy Shemonaıha qalasynda týǵan. S. Amanjolov atyndaǵy Shyǵys Qazaqstan memlekettik ýnıversıtetin bitirgen, quqyqtaný; D. Serikbaev atyndaǵy Shyǵys Qazaqstan memlekettik tehnıkalyq ýnıversıteti, qarjy jáne nesıe.

Eńbek qyzmeti: Shyǵys Qazaqstan oblysy boıynsha ekonomıkalyq qylmysqa jáne sybaılas jemqorlyqqa qarsy kúres departamentiniń qarjy polıtsııasy organdarynda jumys isteý (2007-2015); Shyǵys Qazaqstan oblysy Shemonaıha aýdany ákiminiń orynbasary (2015-2020).

Atqaratyn laýazymynda 2020 jyldyń qyrkúıeginen bastap.