Búkil el boıynsha qyzylshaǵa qarsy vaktsınatsııa bastaldy

<p>Qazaqstanda qyzylsha boıynsha qolaısyz epıdemıologııalyq jaǵdaı qalyptasty. Jyl basynan beri qyzylshanyń 12 671 jaǵdaıy tirkeldi, onyń ishinde 10 563 naýqas - 14 jasqa deıingi balalar, jasóspirimder &ndash; 354, eresekter &ndash; 1 754, dep habarlaıdy <a href="https://kaz.inform.kz/" target="_blank" rel="noopener">Kazinform</a>.</p>

70% nemese 8 866 jaǵdaı — vaktsına almaǵan balalar.

Onyń ishinde vaktsınatsııadan bas tartý sebebinen — 5 286, medıtsınalyq qarsy kórsetilim — 1 555, egý jasyna jetpeý — 1 930, ózge sebepter — 93.

Taǵy 16% nemese 2 062 jaǵdaı — belgisiz vaktsınatsııa mártebesi bar adamdar.

Qyzylsha eldiń barlyq óńirinde kóptep tirkelip jatyr. 

Qyzylshamen syrqattaný boıynsha epıdemıologııalyq jaǵdaıdy turaqtandyrý úshin shuǵyl den qoıý sharalary qabyldanady.

Osylaısha 1 qarashada bas memlekettik sanıtar qyzylshaǵa qarsy ekpe naýqanyn bastaý jóninde arnaıy qaýly shyǵardy.  

Kórsetilgen qaýlyǵa sáıkes 6 qarashadan bastap qyzylshaǵa, qyzamyqqa jáne parotıtke (QKP) qarsy 6-11 aılyq balalarǵa, jeltoqsannan bastap — qyzylshanyń egý mártebesine qaramastan 2-4 jasar balalarǵa qosymsha jappaı ımmýndaý jasalady.