6 qarasha. Tulǵalar týǵan kún
ESІMDER
69 jyl buryn (1954) Daımler AG kontsernynyń resmı dıleri - «Qazaqstannyń kógildir juldyzy» JShS Bas dırektory Qaırat Másimhanuly BEISEBAEV dúnıege keldi.
1977 jyly Qazaq polıtehnıkalyq ınstıtýtyn taý-ken ınjeneri mamandyǵy boıynsha bitirgen.
Eńbek joly: 1977-1981 jáne 1982-1989 jyldary Qazaq KSR Ǵylym akademııasy Taý-ken isi ınstıtýtynda aǵa ınjener, kishi, aǵa ǵylymı qyzmetkeri, 1981 jyly Qazaqstan komsomoly Ortalyq Komıtetiniń nusqaýshysy, 1989-1990 jyldary «Rotor» ǵylymı-tehnıkalyq qyzmet kórsetýdiń sharýashylyq esebi ortalyǵynda bas ınjeneri bolyp eńbek etti. 1990-1992 jyldary Talǵar ShK dırektory, 1993 jyly AXEL JOHNSON RESOURCES, Shvetsııa kommertsııalyq ókili, 1993-1996 jyldary AІOS korporatsııasynyń basqarýshy dırektory qyzmetterin atqardy.
Qazirgi qyzmetin 1997 jyldan beri atqaryp keledi.
Tehnıkalyq ǵylymdar kandıdaty (1989). 1989-1992 jyldary «Meıirimdilik, ekologııa jáne densaýlyq úshin» qoǵamynyń basqarma tóraǵasy boldy. Halyqaralyq aqparattandyrý akademııasynyń korrespondent-múshesi (2002).
QR Qurmet gramotasymen marapattalǵan (2001).
61 jyl buryn (1962) «Áleýmettik medıtsınalyq saqtandyrý qory» KEAQ fılıalynyń basshysy Tileýhan Shildebaıuly ÁBІLDAEV dúnıege keldi.
1985 jyly Jambyl oblysynda dúnıege kelgen. Almaty memlekettik medıtsına ınstıtýtyn bitirgen. Medıtsına ǵylymdarynyń kandıdaty (2001). Medıtsına ǵylymdarynyń doktory (2006), dotsent. QR Densaýlyq saqtaý salasynyń úzdigi (2002).
Eńbek joly: 1983 jyldan Almaty qalalyq №2 klınıkalyq aýrýhananyń medıtsına qyzmetkeri. 1985-1986 jyldary Jambyl qalasynda OMK hırýrg-ınterni, 1986-1996 jyldary Talas OAB hırýrgııa bóliminiń meńgerýshisi, bas dárigeri, 1996-1999 jyldary Jambyl oblystyq týberkýlezge qarsy dıspanseriniń bas dárigeri, 1999-2005 jyldary Jambyl oblystyq densaýlyq saqtaý departamentiniń bastyǵy boldy. 2005-2010 jyldary Jambyl oblystyq týberkýlezge qarsy dıspanseriniń bas dárigeri. 2010 jyldan bastap QR Densaýlyq saqtaý mınıstrliginiń Medıtsınalyq qyzmetterdi tóleý komıtetiniń Jambyl oblysy boıynsha departamentiniń dırektory, 2010 jyldan bastap QR «Týberkýlez máseleleri ulttyq ortalyǵynyń» dırektory, 2010-2016 jyldary QR Densaýlyq saqtaý mınıstrliginiń «Týberkýlez problemalary ulttyq ortalyǵy» memlekettik kásipornynyń dırektory qyzmetterin atqardy. 2016 jyly QR Densaýlyq saqtaý jáne áleýmettik damý mınıstrliginiń «Respýblıkalyq densaýlyq saqtaýdy damytý ortalyǵy» RMQK bas dırektorynyń orynbasary, Medıtsınalyq qyzmetke aqy tóleý komıtetiniń Almaty qalasy boıynsha departamentiniń basshysy, 2016-2017 jyldary Jambyl oblysy densaýlyq saqtaý basqarmasynyń basshysy, 2018-2019 jyldary «Áleýmettik medıtsınalyq saqtandyrý qory» KEAQ Almaty fılıalynyń dırektory, 2019-2020 jyldary Almaty qalasy Qoǵamdyq densaýlyq saqtaý basqarmasynyń basshysy boldy.
Qazirgi qyzmetin 2020 jyldan beri atqaryp keledi.
«Qurmet» ordenimen (2021), «Qazaqstan Respýblıkasynyń táýelsizdigine 10 jyl» (2002), «Qazaqstan Konstıtýtsııasyna 10 jyl» (2005) medaldarymen marapattalǵan.
60 jyl buryn (1963) Qazaqstan Respýblıkasynyń memleket qaıratkeri Ońdasyn Seıiluly ORAZALIN dúnıege keldi.
Aqtóbede týǵan. 1985 jyly Aqtóbe pedagogıkalyq ınstıtýtyn, 1991 jyly S. Kırov atyndaǵy Qazaq memlekettik ýnıversıtetin bitirgen.
Eńbek joly: 1985-1988 jyldary Aqtóbe pedagogıkalyq ınstıtýtynyń oqytýshysy, 1988-1990 jyldary Aqtóbe pedagogıkalyq ınstıtýtynyń komsomol komıtetiniń hatshysy, 1990-1993 jyldary jarnamalyq aqparattyq-kommertsııalyq agenttiktiń bólim bastyǵy, 1993-1999 jyldary «Bank «Rıka» AAQ basqarma tóraǵasy bolyp eńbek etti. 1999-2000 jyldary «Obltransgaz» JAQ, «Aqtóbegaz» JAQ basqarma tóraǵasy, 2000-2003 jyldary Aqtóbe oblysynyń Muǵaljar aýdanynyń ákimi, 2003-2004 jyldary Aqtóbe oblystyq syrtqy ekonomıkalyq baılanystar jáne ınvestıtsııalar basqarmasynyń bastyǵy, 2004-2005 jyldary Aqtóbe oblysy ishki saıasat departamentiniń dırektory qyzmetterin atqardy. 2005-2006 jyldary Aqtóbe oblysy ákiminiń orynbasary, 2006-2007 jyldary QR Prezıdenti Ákimshiligi memlekettik baqylaý jáne uıymdastyrý jumystary bóliminiń memlekettik ınspektory, 2007-2008 jyldary QR Prezıdenti Ákimshiligi memlekettik baqylaý jáne uıymdastyrý jumystary bólimi meńgerýshisiniń orynbasary boldy. 2008 jyldyń naýryzy men qazany aralyǵynda QR Prezıdenti Ákimshiligi memlekettik baqylaý jáne kadrlyq-uıymdastyrý jumysy bólimi meńgerýshisiniń orynbasary, 2008-2014 jyldary QR Prezıdenti Ákimshiligi memlekettik baqylaý jáne aýmaqtyq-uıymdastyrý jumysy bólimi meńgerýshisiniń orynbasary, 2014-2017 jyldary QR Prezıdenti Ákimshiligi memlekettik baqylaý jáne aýmaqtyq-uıymdastyrý jumysy bóliminiń meńgerýshisi, 2017-2019 jyldary QR Prezıdentiniń Ákimshiligi Basshysynyń orynbasary, 2019-2022 jyldary Aqtóbe oblysynyń ákimi boldy.
«Qurmet» ordenimen (2008) jáne medaldarmen marapattalǵan.
56 jyl buryn (1967) Qazaqstan Respýblıkasy Ulttyq qaýipsizdik komıteti Shekara qyzmeti dırektorynyń orynbasary Tóleýjan Sabyruly JÚNІSOV dúnıege keldi.
Jambyl oblysynda týǵan. M. Frýnze atyndaǵy Omby joǵary jalpyáskerı komandalyq ýchılışesin (1990), QR ІІM Qaraǵandy zań ınstıtýtyn (2000) bitirdi.
Eńbek joly: KSRO Qarýly kúshteri motoatqyshtar vzvodynyń komandıri, Qazaqstan Respýblıkasy ІІM jáne MTK organdary jedel-tergeý bólimsheleriniń qyzmetkeri, 4, 5 departament, ınspektsııa, Almaty qalasy boıynsha UQKD, UQK jáne UQK Shekara qyzmetiniń kadrlar departamenti jedel jáne basqarýshy quramynyń qyzmetkeri bolǵan.
Qazirgi qyzmetin 2020 jyldyń sáýir aıynan beri atqaryp keledi.
«Qurmet» ordenimen, medaldarmen marapattalǵan.
49 jyl buryn (1974) Qazaqstan Respýblıkasynyń Shvetsııa Koroldigindegi Tótenshe jáne Ókiletti Elshisi, Qazaqstan Respýblıkasynyń Danııa Koroldigindegi Tótenshe jáne Ókiletti Elshisi qyzmetin qosa atqarýshy Sergeı Nurtaıuly NURTAEV dúnıege keldi.
Almaty qalasynda týǵan. Ál-Farabı atyndaǵy Qazaq ulttyq ýnıversıtetin bitirgen.
QR Syrtqy ister mınıstrliginiń Almaty qalasyndaǵy ókildiginiń úshinshi hatshysy, 2002-2004 jyldary QR Ulybrıtanııadaǵy Elshiliginiń úshinshi hatshysy, 2004 jyldyń naýryz aıynan QR Sankt-Peterbýrg qalasyndaǵy Bas konsýly bolyp qyzmet atqarǵan. 2007-2009 jyldary QR Grekııa Respýblıkasyndaǵy isteri boıynsha ýaqytsha senimdi ókili, 2009-2015 jyldary QR Grekııa Respýblıkasyndaǵy Tótenshe jáne Ókiletti Elshisi, 2015-2021 jyldary QR Italııa Respýblıkasyndaǵy Tótenshe jáne Ókiletti Elshisi boldy. 2017-2021 jyldary QR Maltadaǵy, San-Marınodaǵy Tótenshe jáne Ókiletti Elshisi qyzmetin qosa atqarýshy bolyp eńbek etti.
Qazirgi qyzmetin 2021 jyldan beri atqaryp keledi.
«Astananyń 10 jyldyǵy» (2008) medalimen, QR Prezıdentiniń Alǵys hatymen (2010) marapattalǵan.