6 qalada qoqys óńdeý zaýyttarynyń qurylysy toqtatyldy

ASTANA. QazAqparat – Elimizdiń 6 iri qalasynda qoqys óńdeıtin zaýyt salý ruqsatyn utyp alǵan kompanııa jobany toqtata turýǵa nıet bildirgen. Ekologııa jáne tabıǵı resýrstar mınıstrligi Qaldyqtardy basqarýda memlekettik saıasat departamentiniń dırektory Mansur Oshýrbaev BAQ ókilderine bergen jaýabynda osyndaı málimet keltirdi, dep habarlaıdy QazAqparat tilshisi.

«Burynǵy mınıstr qoqys óńdeıtin zaýyttar salý jobasynan halyq narazylyǵyna baılanysty bas tartý josparlanyp otyrǵanyn aıtqan edi. Qazirgi ustanym túsiniksiz. Joba jalǵasa ma, álde bas tartatyn boldyńyzdar ma?», - dep surady BAQ ókili.

Mansur Oshýrbaevtyń aıtýynsha, jospardaǵy 6 zaýyt boıynsha da qıyndyqtar týyndap tur.

«Konkýrsty utyp alǵan kompanııa jobany toqtatý týraly týraly nıet bildirdi. ıAǵnı, aýktsıon arqyly satylymǵa shyǵarylǵan alty zaýyttyń qurylysy jalǵaspaıdy. Sondaı-aq burynǵy mınıstr tarıf máselesi áli pysyqtalyp jatqanyn aıtqan bolatyn. Óıtkeni atalǵan mehanızmge baılanysty qoǵam men keıbir organdar tarapynan suraq týyndaǵan edi. Biraq atalǵan mehanızm qoqys órteý isindegi negizgi tetik bolmaıtynyn aıtqym keledi. Biz ony jańa tehnologııalarmen qatar pysyqtap jatyrmyz. Ýaqyt bir ornynda turmaıdy. Eýropa elderi bul salada damyp keledi. Solardyń tájirıbesin bizdiń elge engizýge degen suranys bar. Jýyqta ǵana áleýetti ınvestorlar kelip, basqa bir tehnologııany usyndy. Olardyń usynysyn da qarap jatyrmyz», - dedi Mansur Oshýrbaev.