5G jıiligine arnalǵan aýktsıon jeńimpazdary anyqtaldy
«Keleshekte 5G jelisiniń negizgi qoldanýshylary múddeli tulǵalardyń ishinen anyqtalady. Bul - joǵary jyldamdyqty qajet etetin iri bıznes abonentteri. Bul – óte kóp vıdeo qaraıtyn, jaqsy, sapaly baılanysty qajet etetin áleýmettik jeli qoldanýshylary. Halyqaralyq zertteý mobıldi tehnologııalardy engizý qarqyny men halyq pen bıznestiń ekonomıkalyq belsendiliginiń tikeleı baılanysy bar ekendigin kórsetip otyr. 4G tehnologııasyn engizgen kezde jáne onyń qarqyndy damyǵan ýaqytynda halyqqa, bızneske qandaı paıda ákelgenin kórip otyrmyz. 2022 jyldyń sońynda respýblıkalyq mańyzy bar úsh qalada – Almaty, Astana jáne Shymkentte 5G jelisin iske qosý josparlanǵan. 2025 jylǵa deıin elimizdiń barlyq oblys ortalyǵyna jeli taratylatyn bolady», - dedi Ashat Orazbek Ortalyq kommýnıkatsııalar qyzmetindegi brıfıngte.
Onyń atap ótýinshe, aýktsıondaǵy saýda-sattyq qorytyndysynda 62,6 mlrd teńge bolatyn №1 lotty, 93,4 mlrd teńge bolatyn №2 «Mobaıl telekomservıs» JShS men «Ksell» AQ konsortsıýmy jeńip alǵan. Jeńimpazdar tólem jasaǵannan keıin radıojıilik spektrin paıdalanýǵa ruqsat beriledi.
Buǵan deıin elimizde tuńǵysh ret 5G úshin ashyq aýktsıon ótip jatqanyn jazǵan edik.
Jeńimpaz tıisti ruqsat qujattaryn rásimdegennen keıin 3700-3800 MGTs jıiligine (100 MGTs) ıe bolady.
Ashyq kózderden alynǵan foto