5G jelisi búkil Brazılııada qoljetimdi boldy

<p>ASTAN. KAZINFORM &ndash; Brazılııanyń búkil aýmaǵynda besinshi býynnyń avtonomdy jelisi &ndash; 5G Standalone (SA) jumys isteı bastady. Bul týraly respýblıkanyń Ulttyq telekommýnıkatsııa agenttigi málimdedi, dep habarlaıdy <a href="https://tvbrics.com/news/set-5g-stala-dostupna-na-vsey-territorii-brazilii/" target="_blank" rel="noopener">TV BRICS.</a></p>

Atap ótilgendeı, aldyńǵy býyn tehnologııalaryn qoldanbaı jumys isteıtin «taza» 5G buryn 770 qalada qoljetimdi bolǵan. Jeli 300 Mbıt/s ortasha jyldamdyǵymen 35 mln paıdalanýshyǵa qyzmet kórsetti. Bul – qoldanystaǵy 262 mln qurylǵynyń shamamen 13%-y.

Endi taǵy 190 qalada jeli iske qosylyp, Brazılııanyń barlyq aımaqtary jańa tehnologııaǵa qosyla alady. 2021 jyly ótken 5G aýktsıonynyń sharttaryna sáıkes, brazılııalyq operatorlar 2029 jyldyń sońyna deıin barlyq eldi mekenderde osy jelige qoljetimdilikti qamtamasyz etýge mindetti.

Eldegi ınternet jyldamdyǵy 1-den 10 Gbıt/s aralyǵynda bolýy múmkin. Bul qazirgi kezde jyldamdyǵy shamamen 19,8 Mbıt/s bolǵan 4G jelisine qaraǵanda 100 ese joǵary.

Buǵan deıin qytaılyq telekommýnıkatsııa mamandary altynshy býyn symsyz tehnologııasy – 6G úshin álemdegi alǵashqy dalalyq synaq jelisin jasaǵan bolatyn. Qytaı 2030 jyly sandyq uıaly baılanys jelileri úshin 6G tehnologııasyn kommertsııalyq paıdalanýǵa kóshýi múmkin.

Kazinform úshin arnaıy BRIKS TV seriktes agenttigi usynǵan.