57 mln teńge – Abaı oblysynda sý tasqynynan kelgen zalal eseptelip jatyr

<p>ASTANA. KAZINFORM &ndash; Abaı oblysynda sý tasqyny jaǵdaıy turaqtaldy. Qazir keltirilgen zalaldy baǵalaý jónindegi komıssııa jumysy aıaqtalyp qaldy. Bul týraly oblys ákiminiń orynbasary Dımıtrıı Garıkov aıtyp berdi.</p>

Spıkerdiń aıtýynsha, sý tasqyny kezeńi bastalǵaly beri 22 turǵyn úı sý astynda qalǵan.

«Qazir keltirilgen zalaldy baǵalaý jónindegi komıssııanyń jumysy aıaqtalyp qaldy. Aldyn ala esepteýler boıynsha zardap shekken úılerdi, jeke múlikti, tehnıkany, sondaı-aq úı janýarlaryn qosa eseptegende, keltirilgen zalal shamamen 57 mln teńgeni qurap otyr. Komıssııanyń jumysy 15 sáýirge deıin aıaqtalady dep kútilýde», - dedi D. Garıkov Ortalyq kommýnıkatsııalar qyzmetinde ótken baspasóz máslıhatynda. 

Infraqurylym boıynsha D. Garıkov 4 kópirge zaqym kelgenin, Aıagóz aýdanyndaǵy Bozaı aýylymen kólik qatynasy úzilgenin aıtty.

Jalpy sý tasqyny kezeńinde óńirde 377 adam evakýatsııalanǵan, onyń 577-si - balalar. 

Qazirgi ýaqytta barlyq turǵyndar óz úılerine oralǵan.