564 qazaqstandyq «Qazatomóndiris» aktsııalaryn satyp alýǵa ótinim bergen

NUR-SULTAN. QazAqparat – Bıyl «Qazatomóndiris» kompanııasynyń aktsııalaryn satyp alýǵa nıetti qazaqstandyqtardyń sany kóp bolǵan. Bul týraly «Samuryq-Qazyna» UÁQ» AQ aktıvterdi basqarý jáne jekeshelendirý jónindegi dırektsııa basshysy Almasadam Satqalıev málim etti, dep habarlaıdy QazAqparat tilshisi.

«Qazatomóndiris – álemdegi ýran ındýstrııasynyń kóshbasshysy. Men ony naryqtyń qazirgi aýmaly-tókpeliligine qaramastan, kez kelgen aktsııalaryn satylymda jaqsy ótkize alatyn kompanııanyń biri dep aıtar edim», - dedi Almasadam Satqalıev tikeleı efırde ótken baspasóz máslıhatynda.

Onyń aıtýynsha, kompanııaǵa qatysty bir ret ІRO, eki ret SPO ótkizilgen. Osylaısha, London qor bırjasynda, «Astana HQO»-da kompanııanyń 25 paıyzy satylǵan.

«Sarapshylar men qarjylyq analıtıkterdiń baǵalaýynsha, sońǵy ret satylǵan aktsııalardyń 6,28 paıyzy biregeı satylym bolyp otyr. ıAǵnı biz áleýetti satyp alýshylarmen aldyn ala jumystaryn jaqsy júrgizip, qazaqstandyqtardyń ol satylymǵa qatysa alýyna erekshe jaǵdaı jasadyq. Sheteldik ınvestorlarǵa qaraǵanda qazaqstandyqtarǵa kóbirek ýaqyt berildi.

Bul jerde eki jaǵdaıdy erekshe atap ótýge bolady. 2019 jyly satyp alý boıynsha qazaqstandyqtardan 121 ótinim kelse, 2020 jyly 564 ótinim túsken. ıAǵnı óziniń ınvestıtsııalyq salymyn bank depozıtterine ǵana emes, aktsııalarǵa da salǵysy keletin otandastarymyzdyń sany eselep artyp kele jatqanyn atap ótý kerek», - dedi ol.