559 myńnan astam adamǵa ataýly áleýmettik kómek kórsetildi

ASTANA. QazAqparat - 2023 jylǵy 1 qyrkúıektegi jaǵdaı boıynsha 106,7 myń otbasyndaǵy 559,8 myń adamǵa ataýly áleýmettik kómek (AÁK) taǵaıyndaldy. Bıyl osy maqsattarǵa bıýdjetten 65,4 mlrd teńge bólindi, dep habarlaıdy QR Eńbek jáne halyqty áleýmettik qorǵaý mınıstrliginiń baspasóz qyzmeti.

AÁK otbasynyń árbir múshesine jan basyna shaqqandaǵy ortasha tabysy óńirlik eń tómengi kúnkóris deńgeıiniń 70%-ynan tómen azamattarǵa taǵaıyndalady.

Osy jyldyń 1 qańtarynan bastap kepildendirilgen áleýmettik toptama kómektiń tabıǵı nysanynan, monetızatsııalaý formatyna qosymsha tólem túrine 1 jastan 6 jasqa deıingi balalardy qosa alǵanda 1,5 AEK mólsherine (2023 jyl – 5175 teńge) aýystyryldy.

Bıylǵy 1 qyrkúıektegi jaǵdaı boıynsha AÁK alýshylar qataryndaǵy 1 jastan 6 jasqa deıingi balalardy qosa alǵanda – 172,9 myń balalarǵa qosymsha tólem taǵaıyndaldy.

Qazirgi ýaqytta qazaqstandyqtar AÁK taǵaıyndaýǵa ótinishti turǵylyqty jeri boıynsha mansap ortalyǵynda, aýyl okrýginiń ákimine sondaı-aq egov.kz elektrondyq úkimet portaly arqyly bere alady.