55 myńnan astam almatylyqqa bank qyzmetterin paıdalanýǵa shekteý qoıylady

<p>&nbsp;</p> <p class="MsoNoSpacing" style="text-align: justify;"><span lang="KZ" style="color: black; mso-color-alt: windowtext; background: white; mso-ansi-language: KZ;">2 qazan kúni 2022 jylǵa arnalǵan jeke múlik salyǵyn tóleý merzimi aıaqtalady. 55 myńnan astam almatylyq óz mindettemelerin áli oryndaǵan joq, dep habarlaıdy <a href="https://kaz.inform.kz/" target="_blank" rel="noopener">QazAqparat</a> tilshisi. </span></p>

Almaty qalasy memlekettik kirister departamentinen atap ótkendeı, tólem merziminiń aıaqtalýyna birneshe kún qaldy. Osyǵan qaramastan 55 644 turǵyn jalpy somasy 735 mln teńgege salyq tólemegen.

«Tólenbegen salyqtyń negizgi somasy Medeý aýdanynyń turǵyndaryna tıesili, somasy – 315 mln teńge. Tóleý merzimi aıaqtalǵannan keıin salyq tólemegen tulǵalarǵa salyq zańnamasynyń normalaryna sáıkes banktik qyzmetter qoljetimsiz bolady. Onyń ishinde banktik shot ashý, aýdarymdar jasaý, nesıe rásimdeý jáne taǵy basqalary bar. Bul Salyq kodeksinde qarastyrylǵan», - dep túsindirdi departamentten.

Budan bólek, salyq mindettemesin oryndamaǵan menshik ıesine árbir keshiktirilgen kún úshin Ulttyq bank belgilegen resmı qaıta qarjylandyrý mólsherlemesiniń 1,25 eselengen mólsherinde aıyppul salynady.

«Sondaı-aq salyq organdary májbúrlep óndirip alý maqsatynda sot oryndaýshylaryna salyq buıryqtaryn jiberedi. Olar boryshkerlerge qatysty múlikke jáne banktik shottarǵa tyıym salý, sondaı-aq elden tys jerlerge shyǵýdy shekteý sharalaryn qoldanatyn bolady. Sonymen qatar, qaryz somasynyń 25 paıyzy sot shyǵyndaryna ustalady», - dep atap ótti Almaty qalasy memlekettik kirister departamentinen.