532 adam koronavırýsqa shaldyqqan: Armenııa kúsheıtilgen TJ rejımin uzartty
20:41, 31 Naýryz 2020
EREVAN. QazAqparat – Armenııada TJ rejımi kem degende 10 kúnge sozyldy. Koronavırýs ınfektsııasyn juqtyrǵandar sany 532 adamǵa jetti, 30-y jazylyp shyqty, dep habarlaıdy QazAqparat tilshisi.
Armenııada koronavırýs ınfektsııasyn juqtyrǵandar sany artýyna baılanysty 24 naýryzda engizilgen TJ rejımi kem degende 10 kúnge sozyldy.
«Qatań shekteýlerdi kem degende 10 kúnge sozýǵa májbúrmiz. Bizdi statıstıka alańdatyp otyr. Aldymyzda mynadaı mindet bar – densaýlyq saqtaý júıesi toqtap qalmaý úshin osy protsesti barynsha basqarylatyn etpekpiz. Sondyqtan, barlyǵyńyzdy úıde qalýǵa shaqyramyz», - dep málim etti Armenııa premer-mınıstri Nıkol Pashınıan.
Armenııa densaýlyq saqtaý mınıstrliginiń málimetinshe, 31 naýryz tańerteńgi jaǵdaı boıynsha Armenııada koronavırýs juqtyrǵandar sany - 532, 30 naýqas jazylyp shyqqan, úsheýi kóz jumǵan.