52 adamdy negizsiz qýdalaý áreketi toqtatyldy - Bas prokýratýra
Bıylǵy jyly prokýrorlardyń kómegimen 2 800 jumyskerdiń quqyqtary qorǵalyp, olarǵa 800 mıllıon teńge kóleminde jalaqy tólendi.
Elektr jáne jylý tarıfteri tómendetilip, tutynýshylardyń 30 mıllıard teńge qarajatynyń orny toltyryldy.
Memleketke paıdalanylmaǵan 11 myń jer ýchaskeleri qaıtaryldy.
Ǵ. Nurdáýletov atqarylǵan jumystardy atap ótip, oblys prokýrorlaryna halyqtyń alańdaýshylyǵyn týdyratyn máselelerdi sheshýge óz kúshterin baǵyttaýdy tapsyrdy.
«Biz kez kelgen zań buzýshylyqty qatań túrde toqtatýǵa mindettimiz. Azamattardyń quqyqtaryn qorǵaý bizdiń basty basymdylyǵymyz», - dep talap etti.
Bas prokýror sondaı-aq, qylmystyq protseste prokýratýra organdarynyń quqyq qorǵaýshylyq áleýeti tıimdi túrde ashylǵanyn atap ótti.
Yqpal etý sharalarymen 52 adamdy negizsiz qýdalaý toqtatyldy. 414 zańsyz ustalǵandar qyzmettik jaılar men ızolıatorlardan bosatyldy.
Prokýrorlardyń bastamasymen sottar 655 azamatqa qatysty úkimdi qaıta qarady, 195 sottalǵan adamnyń jaǵdaıy jaqsartyldy.
Qaýipti emes, onyń ishinde ekonomıkalyq qylmystardy qylmys dep tanymaý jáne balama jazalardy engizý, jazalaý praktıkasyn tómendetti.
Sottalǵandardyń tórtten bir bóligine ǵana (13 622-niń 3 289-na) naqty bas bostandyǵynan aıyrý merzimderi taǵaıyndaldy.
Bul rette, qylmystyq zańnamany gýmanızatsııalaý qylmys jaǵdaıyn nasharlatpady. Qylmys deńgeıi 12%-ǵa tómendedi.
Májilis jumysynyń qorytyndysy boıynsha qadaǵalaý organynyń jetekshisi prokýrorlardyń aldaǵy kezeńge arnalǵan naqty mindetteri men negizgi baǵyttaryn belgiledi.
Olardyń qatarynda zańnyń ústemdigin qamtamasyz etýdi, azamattar quqyqtarynyń kepildigin nyǵaıtýdy, qoǵam men memlekettiń múddelerin qorǵaýdy qamtamasyz etýge baǵyttalǵan strategııalyq jáne baǵdarlamalyq qujattar jáne Elbasy men Prezıdent tapsyrmalary bar.