51 atyraýlyqtan brýtsellez anyqtaldy
15:31, 02 Qarasha 2016
ATYRAÝ. QazAqparat - Jyl basynan bastap Atyraý oblysynyń 51 turǵynynda brýtsellez syrqaty anyqtaldy, dep habarlady «QazAqparat» HAA.
«51 adamda rastalǵan brýtsellez dıagnozy bir ýaqytta emes, bir jyl ishinde anyqtaldy. Aýrý juqtyrǵandardyń basym bóligi (17 adam) Batys Qazaqstan oblysymen shekaralas Inder aýdanynda oryn aldy. Abyroı bolǵanda, ólim-jitimge jol berilmedi. Syrqat iri qara maldan juqqan.
Aýrý malmen baılanysta bolǵan kezde veterınarııalyq-sanıtarlyq normalardyń buzylýy ınfektsııalyq aýrýdyń taralýyna sebep bolǵan, - dep habarlady Tutynýshylardyń quqyqtaryn qorǵaý departamenti basshysynyń orynbasary Erbolat Ýáıisov. Oblysta jyl basynan bastap brýtsellez juqtyrǵan 661 sıyr, 2 765 qoı, 37 túıe anyqtaldy. Olar búginde joıyldy.