500 myńǵa jýyq qazaqstandyq salyq deklaratsııasyn usyndy

NUR-SULTAN. QazAqparat – 2021 jylǵy 17 mamyrdaǵy jaǵdaı boıynsha deklaratsııalaýdyń birinshi kezeńi sheńberinde 461 myńnan astam adam salyq deklaratsııasyn usynǵan. Bul týraly QazAqparat Memlekettik kirister komıtetiniń baspasóz qyzmetine silteme jasap habarlaıdy.

Deklaratsııa tapsyrý merzimderi qandaı?

Qaǵaz arqyly deklaratsııa 2021 jylǵy 15 shildeden keshiktirilmeı memlekettik kirister organdaryna ne HQKO-ǵa kelý tártibimen usynylady.

Deklaratsııany elektrondy túrde 2021 jyldyń 15 qyrkúıeginen keshiktirmeı salyq tóleýshiniń kabıneti arqyly (cabinet.salyk.kz), «elektrondyq úkimet» portaly (egov.kz), sondaı-aq «e-Salyq Azamat» mobıldi qosymshasy arqyly usynýǵa bolady.

Aqparatty qaıdan alýǵa bolady?

Jalpyǵa birdeı deklaratsııalaý máselelerin túsindirý úshin biryńǵaı respýblıkalyq nómir 1414 platformasynda salyq jáne keden máseleleri jónindegi baılanys ortalyǵy iske qosyldy.

Odan bólek, áleýmettik jelileriniń kómegimen (Instagram, Facebook, Telegram) úlken jumys atqarylýda.

Sonymen qatar, QR QM Memlekettik kirister komıtetiniń portalynda (kgd.gov.kz) jalpyǵa birdeı deklaratsııalaý boıynsha barlyq materıaldar ornalastyryldy, sondaı-aq aktıvter men mindettemeler týraly deklaratsııany usyný boıynsha beıne nusqaýlyqtar bar.