500-ge jýyq gıdrotehnıkalyq qurylysty jóndeýge qarjy qajet - mınıstr

NUR-SULTAN. QazAqparat – Bıyl 500 júzge jýyq gıdrotehnıkalyq qurylystardy jóndeýge qarjy qarastyrý qajet. Bul týraly búgin Úkimet otyrysynda QR Tótenshe jaǵdaılar mınıstri ıÝrıı Ilın málim etti, dep habarlaıdy QazAqparat tilshisi.

«Mınıstrlik ákimdiktermen birlesip, 2017 jyly el boıynsha kóktemde sý basýǵa neǵurlym beıim 905 eldi mekendi anyqtady. Sý tasqyny qaýpiniń aldyn alý jáne joıý jónindegi jol kartasyn iske asyrý aıasynda 2017 jyldan bastap 2020 jylǵa deıin el boıynsha úsh júzden astam eldi mekende sý basý qaýpiniń týyndaýyna jol berilmedi jáne taǵy da 314 eldi mekende qaýip-qater barynsha azaıtyldy. Al bul 70 myńnan astam turǵyn úı (71 055) jáne 350 myńnan astam», - dedi ol.

Onyń aıtýynsha, tórt jyl ishinde óńirlerdiń ákimdikterimen birlesip, ózenderdiń neǵurlym qaýipti ýchaskelerinde ınjenerlik-qorǵaý jumystary júrgizildi. 11 myń shaqyrymnan astam kanaldar men aryq júıeleri), avtomobıl jáne temir joldarda ornalasqan 11 myńnan astam sý ótkizý qurylystary tazartyldy. 150 shaqyrym jýyq qorǵaý bógetteri men valdary turǵyzyldy, 26 gıdrotehnıkalyq qurylys jóndeldi.

Bul rette, 6 000 sý sharýashylyǵy qurylystarynyń 500-ge jýyq gıdrotehnıkalyq qurylystaryn jóndeý kerek. Osyǵan baılanysty, Ekologııa, geologııa jáne tabıǵı resýrstar mınıstrligi men óńirlerdiń ákimdikteri olardy bıyl jóndeý úshin qarjy qarajatyn qarastyrýy tıis. Sondaı-aq ıesiz sý qoımalary men bógetterge komıssııalyq tekserýdi uıymdastyrý kerek», - dedi ıÝrıı Ilın.