50 jyl jóndeý kórmegen Arqalyqtaǵy murajaı jańa keıipke enedi
Oblys basshysy Arqalyqtaǵy Dala ólkesi tarıhı oblystyq murajaıyna baryp, kúrdeli jóndeý jumystaryn tekserdi.
«Quny 155,3 mln teńge bolatyn joba «Jumyspen qamtý jol kartasy-2020» memlekettik baǵdarlamasy aıasynda júzege asyrylýda. Joba aıasynda 39 jumys orny, onyń ishinde halyqty jumyspen qamtý ortalyǵy arqyly 25 jumys orny ashyldy. Qazan aıynda qasbetti qaptaýdy aıaqtaý, jertóleni, kireberisti jóndeý, kireberis topty abattandyrý, aýmaqty abattandyrý jáne árleý josparlanǵan», - dep jazdy Arhımed Muhambetov áleýmettik jelide.
«Dala ólkesi tarıhy» oblystyq murajaıy Qazaq SSR Mınıstrler Keńesiniń Jarlyǵymen 1972 jyldyń 4 aqpanynda qurylǵan. Ǵımarat sol ýaqyttan beri jóndelmegen. Negizi bul murajaı ornalasqan ǵımarat sonaý 1963 jyly salynǵan. Kezinde aýdandyq partııa uıymynyń úıi bolǵan desedi.
Murajaıda 76 myńnan astam jádiger saqtalyp, 11 ekspozıtsııalyq zal jasaqtalǵan.
Jóndeý jumystaryn 2020 jyldyń qarasha aıynda aıaqtaý josparlanǵan. Arhımed Muhambetov Arqalyq qalasynyń ákimi Qaırat Ábishevke jobany júzege asyrýdy sapaly ári ýaqytyly júrgizýdi tapsyrdy.