50 jyl buryn uıaly telefon alǵash ret paıdalanyldy
«Motorola» kompanııasynyń ınjeneri Martın Kýper osy kúni AT&T Bell Labs telefonyn jasaıtyn básekelesi Djoel Engelge uıaly telefonymen alǵash ret qońyraý shalǵan. Uıaly baılanysty qoldaný ıdeıasy 1946 jyly AT&T Bell Labs mamandarynyń oıyna kelgen. Bul kompanııa kólikterge ornatylatyn radıotelefondardy alǵash bolyp jasap shyǵarǵan. Biraq alǵashqy uıaly apparatyn Motorola jasady. Alǵashqy Motorola DynaTAC uıaly telefonyn shaǵyn qurylǵy dep aıtýǵa kelmeıtin edi. Onyń salmaǵv 1 keliden astam, uzyndyǵy 22 santımetr bolatyn. Syrtqy túri kirpishke uqsaıtyn, dep bólisti rarephones.ru saıty. Motorola DynaTAC 8 saǵat, al sóılesip jatqan kezde 1 saǵat boıy jumys isteı alatyn. Ony qýattaýǵa 10 saǵattan astam ýaqyt qajet edi. Onyń dıspleıi men basqa da qosymsha fýnktsııalary bolǵan joq. Telefonnyń statsıonarlyq antenni shyǵyp turatyn. Onyń betki panelinde 12 batyrma bar edi: 10 san men qońyraýdy qabyldaıtyn jáne óshiretin 2 túımesi boldy. Baılanys úzilip ketse, qaıta qońyraý shalý úshin sandardy teretin. Motorola uıaly telefonynyń quny da bas aınaldyrarlyq edi. Ol 3500 dollar turatyn.
Qazirgi ýaqyttaǵy premıým klastaǵy gadjetter úshin de óte qymbat. Uıaly baılanys tehnologısy 70-shi jyldary ǵana sátti bolyp, kommertsııalyq turǵydan suranysqa ıe bola bastady. Tek 1984 jyly AQSh-taǵy alǵashqy Ameritech Mobile mobıldi jelisi iske qosylǵannan keıin bir jyl ótken soń, operatordyń abonenttik bazasy 12 myńnan astam adamdy qurady.
Statıstıkaǵa sáıkes, Qazaqstandaǵy uıaly baılanys abonentteriniń sany 2022 jyly 25 mln-dy quraıdy.
Avtory: Sara Qabıqyzy