«50 mlrd teńgege sýbsıdııa tólegenshe, úı salsyn»: Lázzat Ibragımova jelidegi synǵa jaýap berdi

NUR-SULTAN. QazAqparat – 50 mlrd teńgege 5000 otbasyǵa úı salý tıimdi me, álde 70 myń otbasynyń páter jaldaý shyǵynyn sýbsıdııalaý tıimdi me? «Otbasy bank» AQ tóraǵasy Lázzat Ibragımova Facebook-tegi paraqshasy arqyly jelidegi osy mándegi synǵa jaýap berdi, dep habarlaıdy QazAqparat tilshisi.

Bank tóraǵasynyń aıtýynsha, qazirdiń ózinde bastalyp úlgermegen baǵdarlama týraly daýly pikirler bar.

«Bóten turǵyn úıdi nege jalǵa alý kerek, satyp alý quqyǵymen jalǵa beriletin turǵyn úı salýǵa ruqsat etilsin» - degen sarynda túrli syn aıtylyp jatyr.

Munyń jaýaby qarapaıym: jylyna 50 mlrd teńgege ıe bola otyryp, belgili bir qatań sharttar sheńberinde tańdalǵan 5000 otbasyny nemese 70 myń otbasyny qamtýǵa bolady. Tańdaý álbette maksımaldy qamtý paıdasyna jasalady.

Indýstrııa jáne ınfraqurylymdyq damý mınıstrligi «Otbasy bank» AQ-ǵa ákimdikter qalyptastyratyn, biryńǵaı respýblıkalyq elektrondyq bazasyndaǵy turǵyn úıge muqtaj azamattardyń tizimin Banktiń suratýy boıynsha 3 (úsh) jumys kúni ishinde jiberedi», - dep jazdy Lázzat Ibragımova.