50 myńǵa jýyq qazaqstandyq turǵyn úı kezeginen shyǵaryldy

<p>ASTANA. KAZINFORM &ndash; Elimizde turǵyn úı kezegi tizimin ózektendirý jylyna tórt ret júrgiziledi. Bul týraly Ónerkásip jáne qurylys vıtse-mınıstri Qýandyq Qajkenov málim etti.&nbsp;</p>

— Turǵyn úı saıasatyn reformalanǵanǵa deıin úı kezegimen ákimdikter aınalysty jáne tizimdi ózektendirý jumysy jylyna bir ret júrgizildi. Bul turǵyn úı kezegi, tizim jáne turǵyn úımen qamtamasyz etý boıynsha kóptegen suraq týǵyzdy. Búginde turǵyn úı saıasatyn reformalaý sheńberinde turǵyn úı kezegin ózektendirý toqsanyna bir ret, ıaǵnı jylyna tórt ret júrgizý kózdelgen, — dedi Qýandyq Qajkenov Úkimet otyrysynan keıin ótken baspasóz máslıhatta. 

Vıtse-mınıstrdiń aıtýynsha, endi turǵyn úı kezegi tizimimen Otbasy banki aınalysady. 

— Qazir 650 myńnan astam adam turǵyn úı kezeginde tur jáne tizimdi ózektendirý boıynsha aýqymdy jumys júrgizildi. Nátıjesinde 50 myńǵa jýyq adam turǵyn úı kezeginen alynyp tastaldy. Olar baspana alǵandar, basqa óńirge kóshkender jáne jańa orynda tirkeýge turmaǵan azamattar. Olardyń ornyna baspanaǵa muqtaj basqa jandar kezekke qoıyldy, — dep tolyqtyrdy mınıstrdiń orynbasary.

Aıta keteıik, jyl sońyna deıin 50 myń qazaqstandyq jalǵa berilgen úıdi jekeshelendiredi. 

Eske salaıyq, bıyl 10 myńnan astam kredıttik turǵyn úı paıdalanýǵa beriledi. 

Sondaı-aq Úkimet otyrysynda elimizde 2030 jylǵa deıin qurylys salasyna 200 myńnan astam maman qajettigi aıtyldy.