50-ge jýyq qazaqstandyq óndirýshilerdiń gýmanıtarlyq jetkizilim naryǵyna shyǵýǵa múmkindigi bar

ASTANA. 4 tamyz. QazAqparat /Qanat Mámetqazyuly/ - «KAZNEX INVEST» Eksport jáne ınvestıtsııalar ulttyq agenttiginiń» qoldaýymen Oral qalasyndaǵy birqatar otandyq kásiporyndar Batys Qazaqstan oblysynda bolǵan sý tasqynynan zardap shekkenderge gýmmanıtarlyq járdem kórsetý boıynsha QR Qyzyl Jarty Aı qoǵamy operatsııasy sheńberinde óz ónimderin jetkizdi.

Bul rette Halyqaralyq Qyzyl Krest pen Qyzyl Jarty Aı uıymynyń federatsııasy óz qarajatyna qazaqstandyq kásiporyndardan 10 mln. teńgege tósek-oryn jabdyqtary men kórpelerdi satyp aldy. Bul týraly atalǵan agenttiktiń baspasóz qyzmetinen habarlandy.

«Yqtımal satyp alýshylardy irikteý satysynda biz Oral qalasyndaǵy birneshe kásiporyndardy aralaǵan edik. Ol boıynsha tańdap alynǵan kásiporyndar ónimderiniń sapasy jedel gýmanıtarlyq járdem taýarlaryna qoıylatyn talaptarǵa sáıkes keledi», - deıdi Halyqaralyq Qyzyl Krest jáne Qyzyl Jarty Aı uıymynyń federatsııasy janyndaǵy basqarmasy jónindegi Aımaqtyq úılestirýshi Valentına Sosnovaıa.

Budan bólek, azyq-túlik ónerkisibiniń 4 otandyq kásiporyndary aýyzsýdy jetkizýdegi BUU-nyń mıssııa tenderine qatysqaly otyr. Ol boıynsha naqty qorytyndy aǵymdaǵy tamyz aıynyń ortasyna taman belgili bolady. «KAZNEX INVEST jumysynyń nátıjeleri boıynsha, búgingi 50-ge jýyq qazaqstandyq óndirýshilerde gýmanıtarlyq jetkizilimniń naryǵyna shyǵý múmkindigi anyqtalyp otyr. Olardyń barlyǵy gýmanıtarlyq uıymdar talaptaryna sáıkestik boıynsha tekseristen ótti», - deıdi KAZNEX INVEST gýmanıtarlyq satyp alý departamentiniń dırektory Sabıt Narbaev.