50-ge jýyq sıngapýrlyq kompanııa «AIFC Connect: Singapore 2023» is-sharasyna qatysty
Bıznes kezdesýde halyqaralyq ınvestorlar men beldi qarjy sarapshylary jınalyp, Qazaqstan men Ortalyq Azııadaǵy bıznesti damytý perspektıvalaryn, sonyń ishinde kapıtal naryǵy men aktıvterdi basqarý salalaryndaǵy máselelerdi talqylady.
Jıyndy Qazaqstan Respýblıkasynyń Sıngapýr, Avstralııa odaǵy men Jańa Zelandııadaǵy Elshisi Asqar Quttyqadam ashty.
«Qazaqstan men Sıngapýr - turaqty saıası dıalog pen ekonomıkalyq baılanystarǵa negizdelgen berik ári uzaq merzimdi áriptestik qurǵan dos memleketter. Biz Sıngapýrdy Ońtústik-Shyǵys Azııadaǵy basty saıası-ekonomıkalyq seriktes retinde kóremiz. Óz kezeginde Qazaqstan Sıngapýrdyń Ortalyq Azııa elderi arasyndaǵy jetekshi seriktesi retindegi rólin nyǵaıtýǵa nıetti. Sıngapýrdyń 8-shi Prezıdenti asa mártebeli Halıma ıAkob hanymnyń bıyl mamyr aıyndaǵy Qazaqstanǵa jasaǵan tarıhı memlekettik sapary seriktestigimizdiń jańa kezeńin ashty. Bul oqıǵanyń basty nátıjesi ártúrli salalardaǵy ekijaqty qatynastardy damytý boıynsha ózara mindettemelerdi nyǵaıtý boldy»,-dedi ol.
Paneldik sessııaǵa qatysýshylar kóptegen máseleler boıynsha óz bilimderi men usynystaryn alǵa tartty.
Mártebeli baıandamashylar arasynda Tek Khan Ong (Templeton Asset Management kompanııasynyń bas dırektory), Aleksıs Ng (Ashmore Sıngapýr ókildiginiń basshysy jáne Azııa-Tynyq muhıty aımaǵy boıynsha dırektory), Djeıms Tan (Quest Ventures basqarýshy seriktesi) sekildi tulǵalar sóz sóıledi.
Paneldik sessııany Das Family Office-tiń seriktes ári strategi Raıner Maıkl Praıs júrgizdi.
AHQO Basqarýshysy Renat Bekturov elder arasyndaǵy ekijaqty qatynastardyń perspektıvalary jáne yntymaqtastyqtyń negizgi kórsetkishteri týraly aıtyp berdi.
«Qazaqstan jáne Sıngapýr Ortalyq Azııa men Ońtústik-Shyǵys Azııa aımaǵynda eki iri saýda ári ınvestıtsııalyq áriptes bolǵandyqtan, bizdiń elderimiz arasyndaǵy qatynastardyń negizgi quramdas bóligi ekonomıkalyq yntymaqtastyq ekendigi sózsiz. Sıngapýrdyń Qazaqstanǵa salǵan ınvestıtsııalarynyń jalpy kólemi 1,35 mlrd dollardan asyp ketti. Qazaqstanda qarjy jáne saqtandyrý qyzmetin, óńdeý, taý-ken ónerkásibi sııaqty aýqymdy salalardy qamtıtyn 90 birlesken kásiporyn jumys isteıdi. Budan bólek, elimizde kóterme jáne bólshek saýdada, kásiptik, ǵylymı-tehnıkalyq salalarda 143 sıngapýrlyq kompanııa jumys isteıdi. Orta dáliz dep atalatyn Transkaspıı halyqaralyq kólik baǵyty eki seriktes memleket úshin de joǵary kólik áleýetin kórsetýde. AHQO osy jáne basqa da transulttyq jobalardy tıimdi iske asyrýdy qamtamasyz etý úshin ınfraqurylymdy usynýdy jalǵastyryp keledi»,-dedi Renat Bekturov.
Іs-shara aıasynda eki paneldik sessııa ótti. Birinshi sessııa óziniń qarqyndy ósýiniń arqasynda ózine nazar aýdartqan tehnologııalyq turǵydan damyǵan AIX qor bırjasynyń paıda bolýy jaǵdaıynda Qazaqstannyń kapıtal naryǵyndaǵy tartymdy ınvestıtsııalyq múmkindikterdi zertteýge arnaldy.
Ekinshi paneldik sessııa AHQO-nyń óńirdegi aktıvterdi basqarý ındýstrııasyn damytýdaǵy áleýetin, sondaı-aq Ortalyq Azııa óńiriniń naryǵyna shyǵýǵa umtylatyn osy salanyń jahandyq kompanııalary aldynda turǵan perspektıvalar men problemalardy zerdeleýge baǵyttaldy.
AHQO Ákimshiligi Basqarma tóraǵasynyń m.a. Temirlan Muhanbetjanovtyń aıtýynsha, AHQO ıýrısdıktsııasy kompanııalarǵa aıtarlyqtaı artyqshylyqtar beredi, sonyń ishinde aǵylshyn jalpy quqyq qaǵıdattaryna negizdelgen quqyqtyq baza, táýelsiz qarjylyq retteý, daýlardy sheshýdiń beıtarap tetikteri, ıkemdi korporatıvtik basqarý jáne qolaıly salyq rejımi.
AHQO keń spektrlik qyzmet usyna otyryp, tek qarjylyq kompanııalardy ǵana emes, sondaı-aq qarjylyq emes kompanııalardy, kásibı qyzmet kórsetýshilerdi de tirkeýde. Búginde AHQO ıýrısdıktsııasynda krıptomaınıng jáne derekterdi óńdeý, IT, baǵdarlamalyq qamtamasyz etýdi ázirleý, saýda, qarjylyq qyzmetter jáne t.b. salalarda qyzmet kórsetetin 29 sıngapýrlyq qatysýshy kompanııa óz bıznesin belsendi túrde damytýda.
Atalǵan bıznes otyrys ózara tájirıbe men bilim almasýǵa, taraptar arasyndaǵy túsinistik pen baılanysty ilgeriletýge yqpal ete otyryp, ınvestıtsııalardy tartýǵa járdemdesýge, kapıtaldyń serpindi ári ótimdi naryǵyn qurýǵa jáne ınnovatsııalardy yntalandyrýǵa jumys istep jatqan qarjy ortalyǵy – AHQO sheńberinde iskerlik baılanystar ornatýdyń mańyzdylyǵyn kórsetti. Qarjy naryǵynyń aldyńǵy shebinde bola otyryp, AHQO Qazaqstanǵa álemniń túkpir-túkpirinen kelip jatqan ınvestorlarǵa usynatyn múmkindikterdi ary qaraı ilgeriletýdi jalǵastyra beredi.