50-den astam aýdan ortalyǵynda jyl sońyna deıin 4G qosylady

ASTANA. QazAqparat - Aǵymdaǵy jyldyń sońyna deıin elimizdiń 51 aýdan ortalyǵynda 4G qosylady. Bul týraly búgin halyqpen eseptik kezdesý ótkizgen QR Aqparat jáne kommýnıkatsııalar mınıstri Dáýren Abaev málim etti, dep habarlaıdy QazAqparat.

Dáýren Abaev mınıstrlik telekommýnıkatsııa salasynda aýyl turǵyndaryn qosa alǵanda halyqtyń basym bóligin sapaly baılanysty Internet jelisimen qamtamasyz etýdi maqsat etip otyrǵandyǵyn basa aıtty.

«Zamanaýı telekommýnıkatsııalyq ınfraqurylym qurýdyń nátıjesinde Internet paıdalanýshylardyń sany 2016 jyly 77 protsenti qurady. Halyqtyń 94 protsenti 2G standarttaǵy uıaly baılanyspen, 87 protsenti 3G, al 69 protsenti 4G standartty qyzmetpen qamtamasyz etilgen. Aǵymdaǵy jyldyń sońynda 51 aýdan ortalyǵy 4G jelisine qosylady jáne barlyq aýdan ortalyqtarynyń turǵyndary joǵary jyldamdyqty Internetti paıdalana alatyn bolady», - dedi mınıstr.