5 jylda qazaqstandyq temir jol ónimi 12 esege ósti - QTJ

ASTANA. QazAqparat - «QTJ» UK» AQ QR Prezıdentiniń «Qazaqstandaǵy Indýstrııalandyrý kóshbasshysy» syılyǵyn eki márte ıelendi jáne aldyna 2019 jyly mashına jasaý ónimderin 2012 jylmen salystyrǵanda 2,3 esege ulǵaıtýǵa qol jetkizý maqsatyn qoıdy. Bul týraly «QTJ» UK» AQ saıtynda habarlanady.

2009 jyly kompanııa aralas salalardy ekonomıkalyq damytýǵa serpin beretin satyp alýlarda qazaqstandyq qamtý úlesin ulǵaıtý baǵdarlamasy qabyldady.

«Atalmysh baǵdarlamany iske asyrý nátıjesinde otandyq temir jol ónimderin shyǵarý 2009 jylmen salystyrǵanda 12 esege ulǵaıyp, 16,6 mlrd. teńgeden 206 mlrd. teńgege deıin ósti. Otandyq temir jol ónimderi assortımenti 2185-ten 5005 túrge kóbeıdi», - dep habarlady «QTJ» UK» AQ jańa jáne ımport almastyratyn óndiristi damytý ortalyǵynyń basshysy Aqbolat Jaǵyparov.

Kompanııa jyljymaly quram, metallýrgııa ónimderin shyǵarýdyń iri jobalaryn qoldady. Óz teplovoz, elektrovoz, júk jáne jolaýshylar vagony, rels, iri vagon quımasy jáne t.b. shyǵarýdy ıgerdi.

Qazaqstan Respýblıkasynyń 2015-2019 jyldarǵa arnalǵan ındýstrıaldyq-ınnovatsııalyq damý memlekettik baǵdarlamasyna «Temir jol tehnıkasyn óndirý» jeke bólimi engizildi.

Indýstrııalandyrý baǵdarlamasy aıasynda ekinshi besjyldyqta tek otandyq kásiporyndar ǵana emes, sonymen birge óz taýarlary men qyzmetterin Qazaqstanda shyǵaratyn sheteldik kompanııalarǵa qoldaý kórsetiletin bolady.

Kompanııa kásiporyndardyń tıimdiligin arttyrýǵa baǵyttalǵan temir jol mashına jasaý salasyn damytýdyń korporotıvtik baǵdarlamasyn ázirledi.

Baǵdarlamany iske asyrý 2019 jyly mashına jasaý ónimderin shyǵarý kólemin 2,3 esege, barlyq temir jol mashına jasaý kásiporyndary boıynsha eńbek ónimdiliginiń ósimin jylyna bir adamǵa 42 mln. teńgeden 185 mln. teńgege deıin arttyrýǵa múmkindik beredi.

Temir jol ónimderi eksportyn 2019 jyly 2012 jylmen salystyrǵanda, 7,8 esege arttyrý maqsaty qoıyldy.