5 jylda aýyl sharýashylyǵy jalpy óniminiń kólemi eki esege artty

NUR-SULTAN. QazAqparat - 5 jyl ishinde aýyl sharýashylyǵynyń negizgi kapıtalyna ınvestıtsııalar aǵyny 3 esege ulǵaıdy. Bul týraly Aýyl sharýashylyǵy mınıstrligi baspasóz qyzmetinen málimdedi, dep habarlaıdy QazAqparat tilshisi.

«Agroónerkásiptik keshendi damytý salasynda júrgizilip jatqan saıasat birinshi kezekte azyq-túlik taýarlarymen naqty qamtamasyz etýge baǵyttalǵan. Tutastaı alǵanda, sońǵy jyldary memlekettik qoldaý sharalaryn iske asyrýdyń arqasynda respýblıkanyń agroónerkásiptik keshenin damytýdyń oń serpini baıqaldy. Máselen, aýyl sharýashylyǵy jalpy óniminiń kólemi sońǵy 5 jylda eki esege artyp, 7,4 trln teńgeni qurady (2016 jylǵy 3,7 trln teńgeden bastap)», - delingen mınıstrliktiń QazAqparat agenttigine bergen jaýabynda.

Vedomstvo málimetinshe, aýyl sharýashylyǵynyń negizgi kapıtalyna ınvestıtsııalar aǵymynyń turaqty úrdisi saqtalyp otyr.

«5 jyl ishinde aýyl sharýashylyǵynyń negizgi kapıtalyna ınvestıtsııalar aǵyny 3 esege ulǵaıdy jáne 2021 jyly 773,2 mlrd teńgeni, tamaq ónimderi 1,7 ese ulǵaıyp, 114,4 mlrd teńgeni qurady. 2021 jyldyń qorytyndysy boıynsha eńbek ónimdiligi 3,3 mln teńgege jetti nemese bes jyl ishinde ósim 2,4 ese (2016 jyly – 1,4 mln. teńge) boldy», - dep atalyp ótken vedomstvo málimetinde.

Budan buryn habarlanǵandaı, bıyl Memleket basshysy Úkimettiń keńeıtilgen otyrysynda aýyl sharýashylyǵy salasyna qatysty birqatar máseleni kótergen bolatyn.