5 jylda plastıkalyq ota jasaýshylardyń ústinen 39 shaǵym túsken

<p>ASTANA. KAZINFORM &ndash; Densaýlyq saqtaý mınıstrligi Kazinform saýalyna joldaǵan jaýapta plastıkalyq otadan keıin túsetin shaǵymnyń basym bóligi mammoplastıka salasyna tıesili ekenin málim etti.</p>

«Kosmetologııa baǵytynda medıtsınalyq lıtsenzııasy bar 1102 klınıka jumys isteıdi. Onyń ishinde 238-i plastıkalyq hırýrgııa, 864-i dermatokosmetologııa baǵytynda.

2019 jyldan bastap 2024 jyldyń 1 toqsanyna deıin respýblıka boıynsha 34 medıtsınalyq (barlyq jekemenshik) medıtsınalyq uıymǵa jáne 5 medıtsınalyq emes uıymǵa (sulýlyq salondary) sapasyz plastıkalyq ota jasalǵany úshin 39 ótinish (ólim jaǵdaılarynsyz) kelip túsken.

Onyń 27-si qaralyp, tekserý júrgizildi. Bul ótinishterdiń 18-i (67%) negizdelgen jáne ishinara negizdelgen», - dep jazady mınıstrlik mamandary.

Osy shaǵymdardyń negizinde jalpy somasy 1 mln teńgeden sál asatyn aıyppuldar taǵaıyndalǵan.

«39 ótinishtiń ishinen kelesi qyzmetterden keıingi asqynýlarǵa shaǵymdar tústi: mammoplastıka – 12, lıposaktsııa – 8, blefaroplastıka – 7, erin plastıkasy – 7, rınoplastıka – 3, betke lıpofıllıng – 1, otoplastıka – 1. Ótinishterdi qaraý qorytyndysy boıynsha 1 009 125 teńgege 8 ákimshilik hattamasy toltyryldy», - delingen jaýapta.

Buǵan deıin jazǵanymyzdaı, shilde aıynda artyq salmaqtan arylý úshin ota jasatyp qaıtys bolǵan Almaty oblysy turǵynynyń isi boıynsha taǵaıyndalǵan sot saraptamasynyń merzimi uzartyldy.