5 jyl ishinde 3,2 myń shaqyrym jol tórt jolaqqa deıin keńeıtilgen

<p>ASTANA. KAZINFORM - Sońǵy bes jylda 3,2 myń shaqyrym respýblıkalyq mańyzy bar jol tórt jolaqqa deıin keńeıtildi. Atalǵan shara ótkizý qabilettiligin edáýir arttyryp, joldaǵy qozǵalys qaýipsizdigin jaqsarta túsken. Bul týraly jáne ózge de respýblıkalyq mańyzǵa ıe joldardaǵy qaýipsizdikti qamtamasyz etý jónindegi basqa da sharalar týraly Almaty qalasyndaǵy V Eýrazııalyq Kóliktegi qaýipsizdik pen tsıfrlandyrý forýmynyń plenarlyq otyrysynda avtomobıl joldary komıteti tóraǵasynyń orynbasary Anar Ǵabdýllına aıtyp berdi.</p>

Іs-shara barysynda Qazaqstannyń jol qyzmetteri respýblıkalyq joldarda qaýipsizdikti arttyrý maqsatynda 5 myń sharshy metrden astam arnaıy jolaq, 630 jol belgisi men 1 230 jol býferin ornatqany belgili boldy.

Janýarlardyń jolǵa shyǵýyn boldyrmaý úshin respýblıkalyq joldardyń boıynda jalpy uzyndyǵy 1500 shaqyrym qorshaý ornatylyp, 319 mal ótkeli salyndy.

Atalǵan is-shara aıasynda Avtomobıl joldary komıteti tóraǵasynyń orynbasary Anar Ǵabdýllına jaıaý júrginshilerdiń qaýipsizdigine de nazar aýdardy.

«Jaıaý júrginshilerdiń qaýipsizdigine erekshe nazar aýdaryldy. Osy tarapta qalalar men eldi mekenderdi aınalyp ótetin 52 jol salyndy. Bul tranzıttik marshrýttardyń qozǵalysyn túsirýge múmkindik berdi. Sondaı-aq eldi mekender arqyly ótetin joldardaǵy qaýip-qaterlerdi edáýir azaıtty. Sonymen qatar eń qaýipti jerlerde jol paıdalanýshylardyń qaýipsiz qozǵalysyn qamtamasyz etetin 32 jer ústi jaıaý júrginshiler ótkeli salyndy», — dedi spıker.