5 jeltoqsan – Volonterler kúni

<p>Búgin álemniń birqatar elinde dúnıejúzilik Volonter kúni atalyp ótedi, dep habarlaıdy <a href="https://kaz.inform.kz/" target="_blank" rel="noopener">Kazinform </a>agenttigi.</p>

1985 jyly BUU Bas Assambleıasy jyl saıyn 5 jeltoqsanda eriktiler kúnin atap ótýdi usynǵan bolatyn. Mysaly ıÝNISEF álem boıynsha uıymnyń balalar quqyǵyn qorǵaý mıssııasyn júzege asyrýǵa kómektesetin eriktiler qozǵalysy men bastamalaryn damytýdy qoldaıdy. 36 el jahandyq volonterlik bastamaǵa belsendi qatysady, onyń ishinde Qazaqstan da bar.

QR Mádenıet jáne aqparat mınıstrligi de Qazaqstandaǵy eriktiler qozǵalysy belsendi damyp kele jatqanyn, qoǵam ómiriniń túrli salalarynda mańyzdy ról atqaratynyn atap ótti.

«Bizdiń azamattarymyzdyń volonterlik qozǵalysqa belsendi qatysýy jáne memleket tarapynan bul úshin jaǵdaı jasaýy eldegi volonterliktiń damýyna yqpal etti. Muny volonterlik uıymdardyń - úsh esege (2020 jyly – 224, 2023 jyly – 680-nen astam), belsendi volonterlerdiń – bes esege (2020 jyly – 50 myń, 2022 jyly – 200 myńnan astam, 2023 jyly – 240 myńnan astam) ósýiniń oń serpini aıǵaqtaıdy. Qazirgi ýaqytta 59 myńnan astam belsendi eriktiler, volonterler úshin myńnan astam joba usynatyn 3,5 myńnan astam uıymdar tirkelgen», - dep jazylǵan mınıstrlik habarlamasynda.

Sonymen birge, 2018 jyly Qazvolunteer.kz onlaın platformasy iske qosylǵan.

4-10 jeltoqsan kúnderi «Volonter bolý ońaı» qysqy meıirimdilik aptalyǵy bastaldy. Bul bastama qoǵam ıgiligi úshin volonterlik bastamalardy kótermeleýge jáne iske asyrýǵa baǵyttalǵan.

Eske sala ketsek, Prezıdent Qasym-Jomart Toqaev 2020 jyldy Volonter jyly dep jarııalaǵan edi.