5 jeltoqsan kúni Astanada ótetin mańyzdy sharalar ańdatpasy
10.00-de Úkimet úıinde kezekti Úkimet otyrysy ótedi.
Kún tártibinde avtokólik quralymen júk tasymaldaý jáne tranzıtti damytý, pedagog mamandardy daıarlaý taqyryptary qaralady.
11.00-de QR Іshki ister mınıstrligi onlaın-kórsetilim formatynda «Quqyqtyq tártip» jedel-aldyn alý is-sharasynyń qorytyndysy jaıly brıfıng ótkizedi.
11.00-de Almaty aýdanynyń ákimdiginde tabıǵı monopolııalardy retteý komıtetiniń Astana qalasy boıynsha departamenti «Astana sý arnasy» MKK retteletin sýmen jabdyqtaý jáne sý burý qyzmetteriniń qoldanylý merzimi aıaqtalǵansha tarıfti ózgertý ótinimi boıynsha jarııa tyńdaý ótkizedi.
12.00-de QR Prezıdenti janyndaǵy Ortalyq kommýnıkatsııalar qyzmetinde jamby atý sportynyń damýy týraly baspasóz máslıhaty uıymdastyrylady.
15.00-de QR Prezıdenti janyndaǵy Ortalyq kommýnıkatsııalar qyzmetinde Jambyl oblysynyń áleýmettik-ekonomıkalyq damýy týraly baspasóz máslıhaty ótedi.
15.00-de Lokomotıv qurastyrý zaýytynda áleýmettik-mádenı damý komıteti «2030 jylǵa deıingi qaýipsiz eńbek tujyrymdamasy jobasyn jáne eńbek qaýipsizdigi men eńbekti qorǵaýdy jetildirý jónindegi zańnamalyq ózgeristerdi talqylaý» taqyrybynda kóshpeli dóńgelek ústel ótkizedi.
15.00-de Ulttyq akademııalyq kitaphanada belgili qalamger Amanqos Ershýovtyń «Aqmeshit», «Qasıetti qazyna», «Barmaqbaıdyń basynan keshkenderi» atty kitaptarynyń tusaýy kesiledi.
15.30-de Senattyń konstıtýtsııalyq zańnama, sot júıesi jáne quqyq qorǵaý organdary komıtetinde «Otbasy-neke qatynastarynan týyndaıtyn daýlardy qaraý kezinde kámeletke tolmaǵandardyń quqyqtary men zańdy múddesin saqtaý men qorǵaýdy qamtamasyz etý jónindegi ózekti máseleler» taqyrybynda otyrys ótedi.
19.00-de Astana Opera teatrynda «Aljırdegi ıtalııalyq qyz» eki bólimdi opera-býffasy sahnalanady.
19.00-de Jas kórermenderdiń mýzykalyq teatrynda «Abaı-Toǵjan» mýzykalyq dramasy qoıylady.
19.00-de Beıbitshilik jáne kelisim saraıynda Harry Potter and Wizards of Tynda Music kontserti ótedi.